ГлавнаяЭкономикаТIумтIарин бегьер ужуб ву

ТIумтIарин бегьер ужуб ву

1 1 1 1 1 1 1 1 1 1 Рейтинг 4.75 (2 Голосов)

332Цци гъулан мяишатдин вари цирклариъ ужудар хъуркьувалар гъазанмиш дапIна. Асас себеб гьадму вуки, республикайин экономика артмиш апIбаан уьмриз кечирмиш апIурайи проектарин арайиъ айи «Мянфяаьтлу АПК» проектдин дахилнаъди йислан-йисаз гъулан мяишатдин цирклар ужуди артмиш шула. Гьадму циркларин арайиъ тIумутIчивал артмиш апIували асас йишв бисура. 

ТIумутIчивалин циркил цци лап ужуди улихь гъябгъюра. РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан тувнайи мялуматариинди, цци тIумтIар уч апIбаан республикайиъ рекорд улупна. Айи мялуматариз асас вуди, гъийин йигъаз республикайин мулкариин 150 агъзур тоннатIан артухъ тIумтIар уч дапIна. Гьадму кьадарнакан 105 агъзуртIан артухъ тоннайин тIумтIин бегьер ипIру-убхъру шей’ар гьясил апIуз гьапIна.

Къайд дапIну ккундуки, уч дапIнайи тIумтIарин уьмуми кьадарнан шубуб пайнакан саб пай Дербент райондин мяишатариъ уч гъапIуб ву.
Гъубшу йискан улхуруш, сач республикайин тIумутIчивалин цирклиъ уч гъапIу тIумтIарин уьмуми кьадар 149 агъзур тонна вуйи. Дициб кьадар республикайиъ аьхиримжи 30 йисандин арайиъ сабпи ражари уч гъапIуб ву. Хъа гьаму йисан гъулан мяишатдин нежбрари 200 агъзур тонна тIумтIин бегьер уч апIувал планламиш дапIна.
Мидланра гъайри, цци республикайиъ айи тIумтIин багъларин уьмуми кьадар 25,2 агъзур гектар ву, гьадму гьисабнаан бегьер туврайи багъларин кьадар – 18,2 агъзур гектар.

Комментарии:

f1 in1 ok1 t1 v1 y1

Top