ГлавнаяЭкономикаЯрмарка хьибди

Ярмарка хьибди

1 1 1 1 1 1 1 1 1 1 Рейтинг 5.00 (1 Голос)

2017 11 09 105919Ноябрин 11-пи йигъан Мягьячгъалайин Пушкиндин ччвурнахъ хъайи кючейиъ республикайин гъулан мяишатдин ярмарка гъябгъиди кIури, РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан хабар тувра. Ярмаркайиъ чпин ипIру-убхъру сурсатар хьади ихь республикайин вари районариан ва Ставрополь крайиан вуйи гъулан мяишатдин зегьметкешари иштираквал апIиди.

Ярмаркайиз гъафи касарихьан мейвйир, йимишар, йиккун ва никкдин сурсатар, шекер, йиччв, ччим ва гьацдар жара гъулан мяишатдин сурсатар базрариътIан 20% ужуздиккан кьиматназ масу гъадагъуз хьибди.
Мидланра гъайри, ярмаркайиз гъюру инсанариз улупуз, дурарин гевюл ачухъ апIуз республикайин районарин яратмиш апIбан коллективари культурайинна юкIв алдапIбан яркьу серенжем гьязур апIура.
Къайд дапIну ккундуки, РД-йин гъулан мяишатдин ва ипIру-убхъру сурсатарин Министерствойи тешкил дапIнайи ярмаркайиз вахтназ вуди РД-йин Правительствойин Председателин заместителин вазифйир тамам апIурайи Билал Уьмаровра ва вахтназ вуди РД-йин гъулан мяишатдин ва ипIру-убхъру сурсатарин министрин вазифйир тамам апIурайи Керимхан Абасовра гъиди.

Комментарии:

f1 in1 ok1 t1 v1 y1

Top