ГлавнаяЭкономика2018-пи йисан хулар дивуз варитIан гизаф субсидйир Дагъустандиз тувди

2018-пи йисан хулар дивуз варитIан гизаф субсидйир Дагъустандиз тувди

1 1 1 1 1 1 1 1 1 1 Рейтинг 5.00 (1 Голос)

35Ватандашарихьан масу гъадагъуз удукьру яшайишдин хулар тикмиш апIбан программайиз асас вуди, Урусатдин Федерацияйин гьюкми 2018-пи йисан регионариъ яшайишдин хулар тикмиш апIбан циркил артмиш апIуз ва гьацира пландиинди вуйи 2019-2020-пи йисариз 20 млрд манат субсидйир жара гъапIну, мялумат тувра Минстройдин сайтдиан. 

Регионар субсидйирихъди тямин апIувал «Урусатдин Федерацияйин ватандашар масу гъадагъуз удукьру гъулай яшайишдин хуларихъди ва коммуналин гъуллугъарихъди тямин апIувал» программайин сяргьятариъди кIули гъябгъюра.
Документдин текстназ асас вуди, субсидйириинди вуйи варитIан гизаф дакьатар Дагъустандиз тувди – 1,2 млрд манат, 1,34 млрд – Карачаево-Черкессияйиз, 1,2 млрд – Татарстандиз, гьадмукьан – Белгородский областдиз, 1,16 млн манат – Свердловский областдиз ва 1 млрд манаттIан цIиб артухъ – Воронежский областдиз жара апIиди.


ВаритIан цIибди субсидйир Ярославский областдиз тувди – 43,36 млн манат, Камчаткайиз – 85,9 млн манат, хъа Оренбургский областдиз – 93,9 млн манат жара апIиди.
Кьабул дапIнайи къарарари РФ-йин регионариъ яшайишдин хулар тикмиш апIбан проектар уьмриз кечирмиш апIуз, гьадму гьисабнаан «Урусатлуйин хизандиз яшамиш шлу хал» программайин сяргьятариъдира кюмек тувур кIури, гьякимар умудлу ву.
Дурарин фикриинди, гьаму пулин дакьатари ихь уьлкейиъ диврайи яшайишдин хуларин кьадар артухъ апIузра кюмек тувди ва масу гъадагъуз шлу эконом классдин яшайишдин хуларин рынокра артмиш апIиди.

Комментарии:

f1 in1 ok1 t1 v1 y1

Top