ГлавнаяЭкономикаВарихалкьарин дагъларин йигъ

Варихалкьарин дагъларин йигъ

1 1 1 1 1 1 1 1 1 1 Рейтинг 5.00 (1 Голос)

2017 12 12 151007Декабрин 11-пи йигъан ДГУНХ-йин конференцйир гъахру залиъ Варихалкьарин дагъларин йигъахъди аьлакьалу вуди яркьу конференция гъабхьну. Конференция Дагъустан Республикайин дагълу районарин экономикайин артмиш`вализ бахш дапIнайиб вуйи. Дидиъ вахтназ вуди РД-йин Правительствойин Председателин заместителин, РД-йин экономикайинна аьтрафарин артмиш`валин министрин вазифйир тамам апIурайи Раюдин Юсуфов ва республикайин хайлин дагълу районарин главйир иштирак гъахьну.
Къайд дапIну ккундуки, серенжемдиъ асас вуди гьял апIурайи месэлйир «2014-2018-пи йисари Дагъустан Республикайин дагълу терефнан аьтрафарин яшайишдинна экономикайин артмиш`валин гьякьнаан» Дагъустан Респуб-ликайин Гьюкуматдин программа уьмриз кечирмиш апIувалихъди ва 2016-пи йисан республикайиъ къайд гъапIу дагъларин Йисахъди аьлакьалу вуйи.

Серенжемдиз уч духьнайидарин улихь чан доклад хьади удучIвну гъулху РД-йин экономикайинна аьтрафарин артмиш`валин министрин заместитель Муслим Межидовди мялум гъапIганси, республикайиъ айи 42 райондикан 30 район дагълу районарси гьисаб апIура.
Гьацира дугъу чан улхбаъ гьаму йисандин 9 вазлин арайиъ республикайин дагълу районарин аьтрафариин гъапIу ляхнин натижйириканра гъапнийи.
«Гъябгъюрайи йисан Гью-куматдин программа уьмриз кечирмиш апIувалин серенжемар бюджетдиан дару дакьатарин кюмекниинди кIули гъахура. Гьаци, ццийин 9 вазлин арайиъ программа уьмриз кечирмиш апIуз бюджетдиан дарди жалб дапIнайи дакьатарин кьдар 1240,8 миллион манат ву. Му кьадар бюджетдиан дару вари дакьатарин 100%-дикан 44,0% ву.
Гьаму йисан Республикайин инвестицйирин программайин дахилнаъди ва гьаддихъди сабси федералин бюджетдин дакьатарра кади, республикайиъ 3 мектебди ва саб бицIидарин багъди ляхин апIуз хъюгъна. Гьацира гъябгъюрайи йисандин аьхириз Сергокъала райондиъ 120 йишв айи бицIидарин багъра ва БотIлих райондиъ 175 касдиз дахъру йишв айи больницара рас дапIну ккудукIуз планламиш дапIна.
Мидланра гъайри, гьаму йисан, ерли йишван бюджетдин дакьатар жалб дапIну, 80 ученикдиз деъру йишвар ади Гергебил райондин Мурада гъулаъ, Табасаран райондин Жвулли ва Цухтигъ гъулариъ, 30 баяр-шубариз деъру йишвар ади ЦIумада райондин Силди гъулаъ ва гьацира 80 йишв ади Хив райондин ЧIилихъар гъулаъ мектебар ачмиш гъапIну.
Гьацира «2014-2017-пи йисариз ва 2020-пи йис хьайиз гъуларин аьтрафарин мюгькамвалин артмиш`вал» Федералин метлебнан программайин дакьатарин кюмекниинди Хив райондин Гъванцил гъулаъ 100 ученикдиз деъру йишв айи мектебди ляхин апIуз хъюбгъна. Программайин дахилнаъди 2017-пи йисандин аьхириз Леваши, Рутул, СтIал-Сулейман, Тлярата ва Лак районариъра яшайишдин объектари ляхин апIуз хъюгъди», – гъапнийи министрин заместители.
Конференцияйиъ районарин главйирра удучIвну гъулхнийи. Гьарури чпин райондиъ уьмриз кечирмиш апIурайи экономика артмиш апIбан ляхнарикан ктибтнийи.
Серенжемдиъ Раюдин Юсуфовди республикайин дагълу аьтрафар мюгькамди артмиш дапIну ккуниваликан гъапнийи. Дугъу къайд гъапIганси, гъийин йигъан республикайиъ уьмриз кечирмиш апIурайи Гьюкуматдин вари программйириъ дагълу аьтрафариз кюмек апIбан хусуси паяр ади ккунду.
КIули гъубшу конференцияйин натижйириз лигну, гьаму месэлайихъди аьлакьайиъ айи Дагъустан Республикайин вари министерствйириз ва идарйириз лазим саягъниинди вуйи протокол гьязур гъапIну.

Комментарии:

f1 in1 ok1 t1 v1 y1

Top