ГлавнаяЭкономикаЖямяаьтлугъдин яшайиш за шула

Жямяаьтлугъдин яшайиш за шула

1 1 1 1 1 1 1 1 1 1 Рейтинг 5.00 (1 Голос)

20171031 153346 Аьхиримжи йисари ихь гьюкуматдиъ Урусатдин Президент Владимир Путиндин гюзчиваликкди яшлуйирин, гьадму гьисабнаан пенсия гъадабгъурайи касарин, яшайиш улихьна гъабхбан метлеб ади саб жерге къанунар кьабул дапIна.

Ав, му жигьатнаан хайлин ужувлан дигиш’валарра духьна. РФ-йин РД-йиъ айи Пенсйирин фонднан Хив райондин отделениейин начальник Герман Асваровди субут апIурайиси, дурарин ляхниъ, вахтниинди пенсйир тяйин дапIну, дурар агьалйирихьна рукьбан месэлйири асас йишв бисура. Ляхинра гъабхура.

– Аьхиримжи йисари пенсйир саки гьар йисан кьюб ражари за апIура. Дидихъди сабси, хизанариъ уьрхюрайи бицIидариз туврайи субсидйирин кьадарра за гъабхьну. Гъи Урусатдин гьюкмин кIулиъ айидари пенсия гъадабгъурайи агьалйирин яшайиш ккабалгбан кюмекарра тялукь саягъниинди тувра. Гьамусяаьтна Хив райондиъ пенсия гъадабгъурайи 5487 кас а. Гьадрарикан 1000-тIан артухъ сакьатдар ву. Дурарилан савайи, 2953 касди ЕДВ-ра гъадабгъура. Дурарин арайиъ сакьат ватандашар ва дявдин гьяракатарин жюрбежюр иштиракчйирра а. Пенсия гъадабгъурайи ватандашарин кьадар гьар вахтна дигиш шулайиб ву. Му харжариз улупнайи вари дакьатар федералин бюджетдиан жара апIура.

– Герман Асварович, аьхиримжи вахтна дишагьлийириз пенсйириин 1991-пи йисаз улихьна вуйи бицIидарихъан аьлава дакьатар иливбакан гъизгъинди улхура. Му гьякьикьат Хив райондиъ фициб ву?

– Учу кагъзар хьади илтIикIдарихьан варидарихьан аьрзйир кьабул апIурача. Амма, къайд апIурза, му дигиш’валарик вари дишагьлийир кахьрадар. Му кюмек тувбак сабишваъра ляхин дарапIу, бицIидар уьрхюрайи йисари гьюкуматдикан саб жюрейинра кюмек диб-рихъу дишагьлийир кахьди. Гьисабар гъахруган, аьрзачийиз 3 велед ашра, 12-15 ашра, гьисабназ анжагъ 3 бицIир уьрхру муддаттIан гъадабгъидар. Улупнайи къанундиз асас вуди, варитIан гизаф иливруб 1272 манат ву. Му кьадар варитIан заануб ву. Гьисабар гъахруган, гьарсарин делойин гьякьнаан уьмуми ахтармишар гъахиди.

– Пенсйир тяйин апIбалан савайи, учву жигьил хизанаризра кюмекар туврачва. Му жигьатнаан ичв гъайгъушнарикан фу пуз шулу?

– Дугъриданра, гьюкуматди Пенсйирин фонднан улихь хайлин метлеблу ва важиблу вазифйир дивра. Гьадму гьисабнаан, бабвалин капиталин гьякьнаан къанун кьувватнаъ ипбахъди сабси, учузра гъайгъушнар артухъ гъахьну. Гъябгъюрайи йисан ноябрин вазлизкьан вуйи улупбариз асас вуди, Хив райондиъ 135 хизанди бабвалин капиталин сертификатар гъадагъну. Хъа му къанун кьувватнаъ ипу 2006-пи йислан мина уьмуми гьисабариинди му сертификатар ич гъуллугънаъ айи гъуларин 2292 хизанди гъадагъна.
Мялум вуйиганси, бицIирин 3 йис тамам гъабхьиган, думу сертификат ишлетмиш апIуз ихтияр а. Хив райондин агьалйири му дакьатар асас вуди халйишван шартIар ужу апIбан метлебариз харж апIура. Саб хизанди му сертификат бицIирин образованиейиз ишлетмиш гъапIну. Улупнайи пулин дакьатар хайлин касари бицIи-бицIи паярииндира адагъна.

Къанунариъ тIау дигиш’валариз асас вуди, бабвалин капитал тувбан къанун хъанара багахь йисариз гьидирфну. Хъа дидин кьадар гьелелиг чан айиганси гъубзди.

Пуз ккундузузки, бабвалин капиталин сертификат гъадабгъбан жигьатнаан гъи учухь саб жюрейинра читинвал адар. Къанунарин бинайиинди агьалйири чпин дакьатар харж апIура. Улихьна вахтарин фагьумсуз гьяракатарин саб жерге терефкрар райондиъ адрувалиинди учу архаин ва дамагълу вуча.

Шиклиъ: Г. Асваров.

Комментарии:

f1 in1 ok1 t1 v1 y1

Top