ГлавнаяЭкономикаАртмиш даршулайи циркил

Артмиш даршулайи циркил

1 1 1 1 1 1 1 1 1 1 Рейтинг 5.00 (1 Голос)

45Ригъун мейвйириинди адлу вуйи Дербент райондиъ малдарвалин цирклиз фикир туврадар гъапишра шулу. Вушра, райондин малдарвалин цирклин кIулин пишекар Мамедрашад Къурбановдин гафариинди, мяишатдин тешкилатариъ айи мал-къара ужуб гьялнаъ а. Гъийин йигъаз му тешкилатариъ 615 мал а. Дурарикан 211 хюнйир ву, хъа гьамусяаьт ккудурзурайидар – 90 ву. Му хюнйири саб вазлин арайиъ 15 тонна никк тувра. Думу никк Дербент шагьриъ масу тувра. Гьацира Нариман Аьлиевдин ччвурнахъ хъайи ва «Каспий» тешкилатариъ 150 чарвара а. Дурарикан ччилар хурайидар – 60 марчч ву.

Гъийин йигъаз вари фермйириъ марцц ва рас апIбан ляхнар кIули духна. Гьацира дезинфекцияйин ляхнарра ккудукIна. Райондин гьарсаб мяишатдиъ айи мал-къара участокдин маларин духтрин гюзчиваликк кка. М.Къурбановди тасдикь гъапIганси, кьюрдуз 13,300 тонна укI, 1328 тонна лембе, 140 тонна силос, 200 тонна комбикорм гьязур дапIна.

Ццийин йис мал-къарайиз ужуб ву. Ццийин хьадан вахтна мархьар ургъури гъахьивалиан хярариъ укIра а. «Дербент райондиъ йиф дабхъри шулдар. Гьаддиз мал-къара гьаммишан чIатариъ ади шулу. Алаф гьудрубкIрира шулдар, думу артухъдира кади гьязур дапIнача», – кIура Мамедрашад Къурбановди.

Комментарии:

f1 in1 ok1 t1 v1 y1

Top