ГлавнаяЭкономикаБазар ва кьиматар

Базар ва кьиматар

1 1 1 1 1 1 1 1 1 1 Рейтинг 5.00 (1 Голос)

Базар ва кьиматарАьхиримжи йисари ихь республикайиъ, «Мянфяаьтлу АПК» проектдихъди вуйи ляхниз асас фикир туври, ихь агьалйирин йимишарихъди ва бистнин мейвйирихъди вуйи игьтияжар гьуркIра. Ухьуз рябкъюрайиганси, улихьна йисариси ипIру-убхъру шей’арин кьиматарра за апIурадар. Дербент шагьрин базрарин аьгьвалат фициб вуш аьгъю апIуз ккунди, цIиб улихьнаси узу Дагъпотребсоюздин ООО «Дербентский универсальный рынок» (Заан базар) тешкилатдин директор Арсланяли Аьгьмедовдихъди гюрюшмиш гъахьунза.

Дугъан гафариинди, му базариъ масу туврайи аьхюну пай йимишар, вари бистнин мейвйир республикайиъ битмиш апIурайидар ву. Аьхиримжи вахтна теплицйириъра бистнин мейвйир битмиш апIура. Кьюрдун вахтнара памадрар, арфанйир, чрушнар масу тувра. Гьацира агьалйир маларин, чарвйирин, пеэрин йиккухъдира тямин апIура. КIаму, нис, колбаса, дюгю Къизлар шагьриан хура. Вари чрушнарра гъулан мяишатдин хутIлариъ, теплицйириъ битмиш апIурайидар ву.

«Ич тешкилатдиъ лаборатория а, душваъ ветеринарный 4 духтир лихура. Вари масу туврайи итIру сурсатарин тазавал ахтармиш апIура. Ариш-веришдихъ хъайидарин варидарин лазим вуйи сертификатар, медицинайин книжкйир а. Улихьна вахтариси дарди, йикк масу тувуз сач тялукь павильон дивунча. Гьацира нис масу тувру павильонра ачуз. Балугъар масу туврубра дивувал пландик кайич. Артмиш хьуз ккундушра, пулин дакьатар гьуркIрадар. Му базар бицIиб ву. БицIи павильонарин арендара 5-6 агъзур манаттIан дар. Гьамусяаьт ич базариъ азад йишварра а. Ич аьтрафарин багарихь хьайи агьалйир лицру тротуарарихъ ариш-вериш апIурайидари гизаф манигъ’вал апIурачуз. Дурари габхъу йишвахь зирзибил гъибтра. Дурариз къадагъа апIуз узуз ихтияр адарзуз. Гьаму улихьнаси Мягьячгъалайиан гъафи базрариин гюзчивал гъабхурайи комиссияйин членаризра мициб гьялнакан мялум гъабхьну. Думу комиссияйиъ РД-йин МЧС-дин ва экологияйин министрарра, Роспотребнадзорин, Россельхознадзорин пишекрарра, Дербент шагьрин главайин вазифйир тамам апIурайи Энрик Муслимовра айи», – къайд гъапIнийи Арсланяли Аьгьмедовди.

Дупну ккундуки, шагьрин юбилейин улихьна вахтариси дарди, гьамусяаьт му базариъ марццишин рябкъюра. Агьалйириз кучIлар апIури, пуч гъабхьиб мушваъ масу туврадар. Гьамусяаьт йиккун саб кило 270-300 манат ву. Пеэълин йиккун саб кило 120-130 манат ву. Нис 250 манатдиз масу тувра. Картуф – 25 манат, гули – 20 манат, иставутар – 25-30 манат ву. Гьарганси, тIумтIарин 3 кило 100 манатдиз масу тувра. Кючйириъ ариш-вериш апIурайидари пуч гъахьи йимишар, бистнин мейвйир, чрушнар чпин ликарикк ккахьра. Жилиин фу-вуш ккипну, пакетариъ идривди уьл, тортарин галар, шурйир ва гьацира хамрикан гъапIу жара итIру шей`ар масу туврайивали жара йишвариан гъафидар мюгьтал апIура. Мициб гьял чарасуз вуди дигиш дапIну ккунду.

Арсланяли Аьгьмедовдин гафариинди, республикайин жара шагьрариъ мициб аьгьвалат ади шулдар. Гьелелиг гьич фукIа дигиш шуладар.

Хябяхъдихьна шагьрин Заан базарин асикк, Лениндин ччвурнахъ хъайи кючейин гьял гъябкъиган, душв вари даккун шулу. Чпин хуларна гьяятар марцциди уьрхру ихь дишагьлийири чпи гвачIниан хябяхъдиз деънайи йишвар мициб гьялназ гьаз хураш ва хуз гьаз гъитраш, узу гъавриъ шуладарза.

Комментарии:

f1 in1 ok1 t1 v1 y1

Top