ГлавнаяЭкономикаТIумтIарин ужуб бегьер ккадабцIура

ТIумтIарин ужуб бегьер ккадабцIура

1 1 1 1 1 1 1 1 1 1 Рейтинг 5.00 (2 Голосов)

92Мялум вуйиганси, гьамусяаьтна республикайиъ гьяракатниинди тIумтIар уч апIура. ТIумтIар уч апIувалин ляхин Табасаран райондиъра давам шула. Райондин гъулан мяишатдин отделин гьисабариинди, гъийин йигъаз Табасаран райондиъ 10641 тонна тIумтIар уч дапIна. Гьамусдизкьан саб гектариан 127 центнер тIумтIар уч апIура, хъа гьаму йисан райондиъ уч апIуз ккайи тIумтIарин уьмуми кьадар 13 агъзур тонна ву.

Табасаран райондин администрацияйин гъулан мяишатдин отделин начальник Камил Гьяжиевди тувну мялуматариинди, гьамусяаьтна райондиъ айи тIумтIин багъларин кьадар 1 агъзурна 377 гектар ву. Гьаму гьисабнак хусуси мяишатарра кахьра.

Камил Гьяжиевдин гафариинди, асас вуди Табасаран райондиъ гьясил апIурайи тIумтIарин жюрйир «Шардоне», «Ркацители», «Каберне-Савиньон 2» ва «Рислинг» ву.

«ТIивак гъулан мулкариин али «Агропродукт» ООО-йиъ итнайи тIумтIин багъларин кьадар 26 гектар ву. Душв’ан гъийин йигъаз, саб гектариан 200 центнер тIумтIар уч апIури, ккудутIнайи вари тIумтIарин кьадар 160 тонна ву, ва хъана 250 тоннасана уч апIуз пландикра ка.

Гьар йигъан багълариъ 40 касди ккудутIу тIумтIарин бегьер му тешкилатди Дербентдин коньякар гьясил апIру заводдиз гъабхура.

Мидланра гъайри, Аьбдулмалик Къурбановдин «Заря» КФХ-йиканра пуз ккундузуз. Думу КФХ-йин тIумтIин багъларин кьадар 51 гектар ву. Хайлин лихру касари душваъ ляхин апIури, гьамусдизкьан 360 тонна тIумтIин бегьер уч дапIна», - гъапнийи райондин гъулан мяишатдин отделин начальникди.

Республикайин тIумутIчивал артмиш апIурайи имбуну районариъси, Табасаран райондиъра тIумтIарихъди аьлакьалу учIруди дийибгънайи месла – дурар масу тувувал ву. Циркил артмиш апIуз хайлин дакьатар харж дапIну, гизаф зегьмет дизигну, тIумутIчивалин тешкилатари ккадабцIу бегьер, райондиъ думу тIумтIар уьрхру хусуси йишв адрувализ лигну, лап асккан кьиматнаан Дербентдин коньякар гьясил апIру заводдиз масу тувуз мажбур шула. Амма, гьаци вушра, му циркил хъанара яркьу апIуз дурарин пландик ка.

Ич сюгьбатнаъ Камил Гьяжиевди мялум гъапIганси, райондиъ тIумутIчивалиин машгъул духьнайи мяишатарикан варитIан кIакIначиди гъябгъюрайи мяишат Дербентдин чяхирар гьясил апIру заводдин (ДЗИВ) филиал вуйи «Агроцех Дарвагъ» ву. Мушваъ гьамусяаьтна 750-тIан артухъ гектариъ тIумтIар кивна. Думу кьадарнакан 450 гектариъ, израилин гьаму деврин аграрный технологйир ишлетмиш апIури, тIумтIар литIниинди шид хъубзри тартиб апIура.

«Агроцех Дарвагъ» мяишатди гъийин йигъаз 8 агъзурна 50 тоннакьан тIумтIар уч дапIна. Мушваъ саб гектариан уч апIурайи тIумтIарин бегьернан кьадар 125 центнер ву. Уч апIурайи вари бегьер, ужуб сортнан чяхирар гьясил апIбан бадали, ДЗИВ-диз гъабхура.

Дупну ккундуки, райондиъ тIумутIчивал артмиш апIуз гьавайин варитIан ужудар шартIар айи терефар – Дарвагъ ва ТIивак гъуларин терефар ву. Гележегдиъ душвариъ хъанара артухъ бегьер ккадабцIуз умуд киврача. Фицики тIумтIарин багълар кивувал учухь ис шуладар. Магьа гьаму йисанра, 146 гектариъ тIумтIарин багълар кивбан бадали, райондиъ плантаж за дапIна. Яна, йигълан-йигъаз циркил артмиш апIбан бадали, гьаму деврин агротехнологйир ишлетмиш апIури, бегьер артухъ хьуз кюмек тувра», - аьлава гъапIнийи Табасаран райондин администрацияйин гъулан мяишатдин отделин начальникди. 

Комментарии:

f1 in1 ok1 t1 v1 y1

Top