ГлавнаяЭкономикаРякъярин месэлйир гьял гъапIну

Рякъярин месэлйир гьял гъапIну

1 1 1 1 1 1 1 1 1 1 Рейтинг 5.00 (2 Голосов)

Аьхиримжи вахтна республикайиъ рякъярин ва транспортдин мяишатариз артухъси фикир тувуз хъюгъна. Цирклиъ «ХатIасуз ва ерийин рякъяр» важиблу проект уьмриз кечирмиш апIура. Проектдин дахилнаъди Мягьячгъала шагьриъ 38 кючейин рякъяриъ расвалин ляхнар аьхирихъна духна, ва думу рякъяриин 32 миллионна 950 агъзур квадратдин метр асфальт улубзна. Му кьадар 2018-пи йисаз улупнайи пландикан 75,4% ву.

Рякъярин инфраструктура артмиш апIбан месэлйирин гьякьнаан улихьна йигъари РД-йин Глава Владимир Васильев РД-йин транспортдинна рякъярин мяишатдин министр Ширухан Гьяжимурадовдихъди гюрюшмиш гъахьну.

Гюрюшдиъ Ширухан Гьяжимурадовди гьамусяаьт республика иштирак шулайи гьюкуматдин программйирикан гъапну.

Дугъан гафариинди, республикайин рякъярин ва транспортдин циркил артмиш апIури, республика «ХатIасуз ва ерийин рякъяр (БКД)», ва «Гъуларин рякъяр» программйириъ иштирак шула. Гъябгъюрайи йисан БКД проект уьмриз кечирмиш апIуз 1 миллиардна 530 миллион манат жара дапIна. Гьадму кьадарнакан 765 миллион манат федералин бюджетдиан вуйи дакьатар ву.

Ав, зиихъ къайд гъапIганси, проектдин дахилнаъди гьамусяаьт асас вуди рас апIурайи рякъяр Мягьячгъала шагьрин ва шагьриз дахил шулайи поселокарин рякъяр ву.

Мидланра гъайри, гюрюшдиъ дурари федералин дережайин рякъяриъ шикил йивру ва видеойин гъурулушар киврайивалин месэлара гъитIибккнийи.

«Думу гъурулушар рякъяриъ кивбан асас метлеб – рякъюъди машин хъапIну гъягъюрайи касар рякъюн къаршу терефназ удучIвуз гъидритувал ву. Гьамусдихъан тина рякъяриъ дициб аьгьвалат хьуз гъитну ккундар. Рякъюн къаршу терефнаан машин хъапIну гъягъювал себеб вуди, хайлин бедбахтвалар арайиз гъюра. Гьаддиз гьамусдихъан тина му жюрейин тахсиркарвалар апIру касар видеокамерайиз адагъбиинди дурариз жаза гьадабтIидихьа», – гъапну РД-йин Главайи.
Чан нубатнаъ министри мялум гъапIганси, рякъяриъ видеокамерйир кивбан ляхин улупнайи пландиинди гъябгъюра. Гъийин йигъаз 96 йишвахь видеокамерйир кивну ккудукIна. Хъа гьелелиг дурар лихуз хъюгънадар. Кивнайи видеокамерйир лихуз гъитбан ляхин гьяракатнаъ ипувал 25-пи октябриз планариъ а, хъа имбуну улупнайи вари гъурулуш, видеокамерйир кивну, ляхник кипувал 25-пи декабриз планламиш дапIна.

Мялум вуйиганси, ихь республикайиан тина харижи гьюкуматариан вуйи машинарра гъягъюра. Ширухан Гьяжимурадовди гьаму месэлайин гьякьнаанра республикайин Главайиз мялуматар тувнийи.

«Харижи уьлкйириан гъагъ хьади Дагъустандин аьтрафарилан тина гъягъюрайи машинарин дибикIну къайд дапIнайи кьадар 3 агъзуртIан артухъ ву. Таможняйиин Яраг-Казмаляр гъагъ ахтармиш апIру йишв тешкил дапIнайивали, гъагъ гъабхру машинарин лап ярхиди нубат хьуз гъитра, ва миди ухди пуч шлу шей’ариз тясир апIура. Гьаму аьгьвалат дигиш апIбан бадали, улихьнаси узу Дагъустандин таможняйин кIулиъ айирин сарпи заместителихъди сюгьбат гъубхунза ва дугъкан, дурари ахтармиш апIурайи ва гъагъ пуч шулайи машинарин водителар кьабул дапIну, дурарин дерди гьял дапIну ккунивал тIалаб гъапIунза», – гъапну РД-йин транспортдинна рякъярин мяишатдин министри.

Зиихъ къайд дапIнайиганси, рякъяринна транспортдин месэлйир ихь республикайиъ гьарсаб вахтна учIруди дийигънайи месэлйирси гьисаб апIури шулу. Яна, рякъяриз лазим вуйи къайдайиинди фикир тутруври хайлин вахт вуйи.

Магьа улихьнаси, сентябрин эвелариъ, «Каспий» кIуру автомобиларин рякъярин месэлйириз лигурайи Управлениейин филиалин руководителра гъидисну. Думу дисбан себеб гьадму вуки, дугъу рякъяриз харж апIуз кIури деетнайи бюджетдин дакьатарикан 60 миллион манат икI гъапIуб ашкар гъабхьну.

Думу дакьатар М.Уьмаровди йикьрар апIбан къайдайиинди, цIийи техника масу гъадабгъуз кIури, «Нарт» ООО-йин гендиректор Бейбулатовдихьан гъадагъдар ву. Амма, я техникара гъадабгъудар, я пулра арайиз удубчIвундар.

Республика иштирак шулайи гьюкуматдин программйирин кюмекниинди цирклиъ хайлин дигиш’валар хьиди кIури, умуд кивдихьа.

Комментарии:

f1 in1 ok1 t1 v1 y1

Top