ГлавнаяЭкономикаВ.Васильев: «Ухьу гафариз ваъ, ляхнариз кьимат тувдихьа»

В.Васильев: «Ухьу гафариз ваъ, ляхнариз кьимат тувдихьа»

1 1 1 1 1 1 1 1 1 1 Рейтинг 5.00 (1 Голос)

в.васильев

Октябрин 2-пи йигъан Дагъустандин Глава Владимир Васильевдин регьберваликкди Дагъустан Республикайин ХатIасузвалин Советдин заседание кIули гъубшнийи.

Заседаниейин иштиракчйири республикайин вари жюрейин бюджетариз гъюрайи налогарин месэла гьял гъапIнийи.

Чан удучIвну улхбаъ вахтназ вуди РД-йин Правительствойин Председателин заместителин вазифйир тамам апIурайи Гьяжимягьямед Гьюсейновди къайд гъапIганси, республикайин агьалйирин яшайишдин дережа за хьувал налогар тувбахъди гизаф аьлакьалу ву: «Региондин бюджетдин 104 миллиард манатдикан инфраструктурайин артмиш’вализ (рякъярин фонд гьисаб дарапIди) гьаму йисан 4 миллиард манаттIан цIибди дакьатар жара дапIна, яна 3,8%-артмиш’валин харжариз. Хусуси гъазанжар за дарапIиш, республикайин агьалйирин уьмрин ери за апIуз хьибдар».

Вице-премьерин вазифйир тамам апIурайири гъапиганси, му месэла гьял апIуз республикайиз мумкинвалар а. Тикилишчивалин, ГСМ-дихъди алвер апIру материаларихъди, тешкилатари, агьалйири шадлу серенжемар, мяракйир гъахру залари ва гьацдар жара цирклари бегьемди налогар туврадар.

- Республикайин гьюкуматдин хусусият идара апIбан мянфяаьтлувалин месэлара жаради гъитIибккнийи. Гьюкуматдин хусусиятнан инвентаризация гъабхура. «Думу ляхин 2019-пи йисан аьхириз ккудукбIну ккунду. Гъи Урусатдин ФСН-дихъди сабси, республикайин аьтрафариин али, гьюкмин ляхин кIулиз адабгъру органарин, ерли самоуправлениейин органарин налог илипру, жиниди айи дакьатар ашкар апIбан серенжемарин план тартиб дапIна», - гъапну Гь.Гьюсейновди.

Республикайин вари жюрейин бюджетариз налогарин ва налогарин дару пул гъювал тямин апIбан бадали гъахурайи серенжемарикан Федералин налогарин РД-йиъ айи Управлениейин кIулиъ айи Гъазинур Апсалямовди ктибтнийи. Дугъан гафариинди, региондин тикилишчивалин рынокдин 92 иштиракчийихъди, Дагъустандиъ алвер апIурайидарихъди, ляхин туврударихъди къанунсуз ляхнариз аькси сатIи политика гъабхбан гьякьнаан йикьрар йитIна. Гъ.Апсалямовди агьалйирикан алвер апIруган ахтармишар гъахру кассовый техника ишлетмиш дарапIрайи алверчйирин гьякьнаан 8-988-733-03-03 нумрайиз зенг апIувал ккун гъапIну. Республикайин агьалйирихъди налогар тувбан культурайин месэла гьял апIбаканра гъапнийи.

УдучIвну гъулхдарихъ хъпехъбан кьяляхъ, Дагуъстандин Глава В.Васильевди мянфяаьтлу ляхин гъапIу ва налогар уч апIувал за гъапIу районарин главйириз пешкешар тувувалин теклиф дивну. Думу ляхниъ кьяляхъ гъузрайидариз В.Василеьвди гьамци гъапну: «Эгер учвуз улихьна йисариси ляхин апIуз ккундуш, ясана учву дибиснайи гъуллугъназ учву хас даруб аьгъяш – ляхниан удучIвбан гьякьнаан аьрза бикIай. Ичв заместителарин, муниципалин дережайиъди къанун уьбхру гъурулушарин ляхниз фикир, кьимат тувай. Налогар тутруври духьну ккундар».

Заседаниейин аьхириъ Дагъустандин Главайи къайд гъапIну: «Ухьу гафариз ваъ, ляхнариз кьимат тувдихьа. Ухьу Дагъустандин халкь лазим вуйибдихъди тямин дапIну ккунду. Сабпи нубатнаъди – бицIидар ва яшлуйир. Гьацира ухьу агьалйир налог илипнайи ва пенсия тямин апIру лайикьлу маважибдихъди тямин апIурхьа. Му ляхниъ «сирниккан» ккадаувал важиблу ву».

Заседаниейиъ гьацира яшайишдинна коммуналин мяишатдиъ газдин авадлугъар ишлетмиш апIбан хатIасузвал тямин апIбахъди аьлакьалу месэлара за гъапIнийи.

Комментарии:

f1 in1 ok1 t1 v1 y1

Top