ГлавнаяЭкономикаХив район – гъазанжар уч апIбаан кIакIначи

Хив район – гъазанжар уч апIбаан кIакIначи

1 1 1 1 1 1 1 1 1 1 Рейтинг 5.00 (4 Голосов)

001
Шаксуз, гъийин девриъ гъулай ва авадан яшайиш ккабалгбаъ гъазанжари аьхю роль уйнамиш апIура. Му жигьатнаан йишвариин бюджетдиз аьлава гъазанжар уч апIувал гьюкмин улихь хьайидарин ляхниъ асас месэлайиз илтIибкIна гъапишра, кучIал шулдар. Му гафар гьякьикьатди субут апIура.

6-пи ноябриъ РД-йин Глава Владимир Васильевдин регьберваликкди кIули гъубху совещаниейиъ бюджет тамам апIбан гьякьнаан кIакIначи ва лап зяифди ляхин гъабхурайи муниципалитетар мялум гъапIну. Улупбар 2018-пи йисан 9 вазлин натижйириз асас вуди адагъну.

РД-йин вице-премьерин вазифйир тамам апIурайи Гьяжимягьямед Гьюсейновди къайд гъапIганси, улупнайи муддатнаъ республикайиъ уьмуми гьисабариинди 105,2 млрд манатдин гъазанжар уч дапIна. Харжарра тялукьдар ву.

– Кьитвал гьисс апIурайи 300 млн манатдин дакьатарра йисандин аьхирариз уч апIиди, – аьлава гъапIну Гь.Гьюсейновди.

Дупну ккундуки, бюджетдиз аьлава гъазанжар жалб гъапIу кIакIначи муниципалитетарин арайиъ Хив районди лайикьлу йишв гъибисну. Гьаци, гъябгъюрайи йисан урчIвуб вазлин муддатнаъ Хив райондиъ улупнайи 351958,8 манатдин ерина бюджетдиз 372059,1 манатдин кьадарнаъди гъазанжар жалб гъапIну. Му кьадар ккудубшу йисандин тялукь вахтнан улупбарихь тевиш, 23,3%-дин артухъ ву.

Дагъустандин Главайи къайд гъапIганси, жавабдарвалиинди тамам гъапIу ляхни гьарсаб вахтна ужудар натижйирихъна хуру.

– Анжагъ гъахурайи серенжемарихьна ляхнихъ юкIв хъади, жавабдарвалиинди янашмиш духьну ккунду, – гъапну дугъу.

УдучIвну улхбарин аьхириъ Владимир Васильевди кIакIначи муниципалитетар лишанлу апIруваликанра гъапну.

Хив райондин финансаринна налогарин отделин начальникдин вазифйир тамам апIурайи Аьбдулгьямид Беговди гъапиганси, бюджетдиз аьлава дакьатар жалб апIбан жигьатнаан йишвариин натижалу ляхин дубхна.

– Йишвариин гьюкум тешкил апIури, учу бюджетдиз вари жюрейин налогар уч апIбан ляхин жавабдарвалиинди кIули гъубхунча. Кьабул гъапIу уьлчмйирин натижайиъ консолидированный бюджет 105,7%-дин, райондин бюджетдиз гъюру милли гъазанжар 129,8%-дин кьадарнаъди тамам апIру мумкинвал гъабхьну. Гьелбетда, натижйири рази апIура. Вушра улупнайи ляхин хъанара жанлуди гъабхуз зегьмет зигувал лазим ву, – аьлава гъапIну дугъу.

Комментарии:

f1 in1 ok1 t1 v1 y1

Top