ГлавнаяЭкономикаНалогар уч апIбан натижйир

Налогар уч апIбан натижйир

1 1 1 1 1 1 1 1 1 1 Рейтинг 4.75 (2 Голосов)

345

Налогар уч апIбахъди аьлакьалу месэлйириз Дагъустан Республикайин Глава Владимир Васильевди гизаф фикир тувра. Аьхиримжи вахтна республикайин шагьрариъра, районариъра налогарихъди вуйи ляхин жанлуди кIули гъабхуз хъюгъна. Мидланра гъайри, агьалйир налогар тувну ккунивалин гъавриъ тIаъри, дурарихъди муниципалитетарин налогарин инспекцйири, администрацийирин экономикайин отделарин пишекрари хайлин ляхин гъабхура.

Гъубшу йисан Дагъустандин Огни шагьриъ налогар уч апIбан натижйир фицдар вуш ахтармиш апIбан бадали, узу шагьрин администрацияйин экономикайин отделин начальник Самира Мягьямедовайихъди гюрюшмиш гъахьнийза.

Дугъан гафариинди, Дагъ.Огни шагьрин администрацияйин экономикайин отделин пишекрари, ерли йишван бюджетдиз гъюрайи налогар артухъ апIбан бадали, му месэлайин зиин ляхин апIру десте тешкил гъапIну. Дестейиъ, му отделин пишек-рарси, налогарин инспекцияйин, ОВД-йин ва прокуратурайин пишекрарра айи. Тешкил гъапIу дестейин асас вазифа – гьисабнаъ адру дилаварчйир ахтармиш апIувал ва дурар гьисабнаъ тIаувал вуйи. Гьацира агьалйир къанун саягъниинди ляхниз кьабул апIувалра.

«Жюрбежюр тешкилатарин пишекрарикан ибарат дапIнайи дестейи гъубху ляхнин натижйирикан улхуруш, декабрин аьхириз 138 дилаварчи налогарин гъуллугънан гьисабнаъ учIвну ва 106 кас зегьметнан йикьрариинди ляхниз гъадагъну. Гьацира налогар уч апIбахъди аьлакьалу ляхниъ суддин приставарра иштирак гъахьну, ва муниципалитетдин бюджетдиз вуйи налогар уч апIбан бадали, жюрбежюр тешкилатарин пишекрарикан штабра тешкил гъапIунча»,

– къайд гъапIну ич сюгьбатнаъ Самира Сабировнайи.

Сабхилди гъизигу зегьметнан натижйирра ужудар гъахьну. Гъубшу йисан Дагъустандин Огни шагьрин бюджет 104,39%-дихьна тамам дапIна. Уч апIуз улупнайи 76 миллионна 985 агъзур налогарин пулин дакьатарин ерина 80 миллионна 362 агъзур манат уч гъапIну.

Самира Мягьямедовайи тасдикь гъапIганси, гъубшу йисандин арайиъ, шагьрин агьалйир гъаврикк ккаъбан бадали, бюджетдин гьарсаб тешкилатдихъ шагьрин кюче хъибтIнийи. Думу кючейиъ яшамиш шулайи, налогар тутруврайи агьалйирихъди гюрюшмиш шули, суддин приставари налогарин инспекцияйин пишекрари туву мялуматар къанундин къайдайиз хьпан зиин ляхин кIули гъубхну. Гьацира 10 000 манаттIан артухъ вуйи налогар туври адру касарикан мялуматар шагьрин газатдиз туври, шагьрин телевидениейиъ, Интернетдин сайтариъ агьалйир гъавриъ тIаъбан ляхин гъубхну.

Гьар йигъан гъабхурайи ляхни инсанар гъаврикк ккауз кюмек апIура. Вахтниинди налог тутрувди гъибтиш, дид`ин хъана пулин дакьатар иливурайивалин, суддин харжарра жвуву тувну ккунивалин гъавриъ ахърайи касарин кьадарра артухъ шула.

«Учу, агьалйир гъавриъ тIаъбан бадали, налогар вахтниинди тувну ккуниваликан мялуматар кайи кIажар гьязур дапIну, гизаф агьалйир уч шлу йишварихь керхунча. Гьацира гъубшу йисандин арайиъ шубубан налогар тувру саб вуйи йигъ тешкил гъапIунча. Октябрь, ноябрь, декабрь вазариъ вари жавабдар вуйи тешкилатарин иштираквалиинди ва жанлуди кIули гъубху ляхнира ужудар натижйир хьуз гъитну»,

– давам гъапIну Самира Мягьямедовайи.

Улихьна йисари гьюкмин кIулиъ айидари чпи къанундиз гьюрмат дарапIри, халкьдиз фикир тутруври, чарасуз гьял дапIну ккуни месэлйирра гьял дарапIри гъахьивали, гьаддиз республикайин агьалйирра дурарихьна гьаци илтIикIури гъахьивали, республика читин гьялнаъ абхъуз гъитну. Гъи харжиди ляхин апIури кьаназ гъузуз шлу вахтар ккудукIну, пузра шулу. Налогар уч апIбан ужудар натижйири ихь яшайишра ужу апIур кIури, умудлу хьуз шулу. Урусатдин жара пIипIариъ яшамиш шулайи касартIан харжиди яшамиш хьуз ухьуз ихтияр адархьуз.

Комментарии:

f1 in1 ok1 t1 v1 y1

Top