ГлавнаяЭкономика

Дадавалин капиталин 10 йис

1 1 1 1 1 1 1 1 1 1 Рейтинг 5.00 (1 Голос)

94Урусатдин Пенсйирин фонднан Дагъустан Республикайиъ айи отделениейи 2017-пи йисан дадавалин капиталин 17 агъзурна 982 сертификат тувну. Дидин гьякьнаан му идарайин мялуматарин гъуллугъну хабар тувра.

Думу программа 2007-пи йисан кьувватнаъ убчIвхъан мина 10 йис тамам гъабхьну. Гьаддихъди аьлакьалу вуди, гъубшу гьяфтайиъ жюрбежюр суалар хьади РД-йин Пенсйирин фонднан мялуматарин гъуллугъназ илтIикIнийча. Ич суалариз мялуматарин гъуллугънан вакил Альбина Сункулиевайи хъайи-хъайиганси жавабар тувнийи. Дугъу къайд гъапIганси, ихь республикайиъ йицIуд йисандин муддатнаъ 254 агъзурна 163 хизандиз дадавалин сертификатар тувну. Сертификатар гъадагъу 90% дадйири пулин дакьатар чпин яшайишдин шартIар къайдайиз хувализ, хъа имбуну пайну бицIидариз образование тувбаз ишлетмиш гъапIну. Дагъустандиъ дадайин пенсияйин уч апIру пайназ ясана инвалид бицIирин сагъламвал за апIбаз харж апIбан гьякьнаан сабкьан аьрза гъабхьундар.

Гъубшу йисандин натижйирикан улхури

1 1 1 1 1 1 1 1 1 1 Рейтинг 5.00 (1 Голос)

image CopyУлихьна вахтари посёлок вуди гъабхьи Дагъустандин Огни 1991-пи йисхъан мина шагьриз илтIибкIна. Гъийин йигъан му шагьрин экономикайинна социалин артмиш’валикан мялуматар гъадагъуз ккунди, узу шагьрин администрацияйин социалинна экономикайин отделин начальник Аллагьверди Халиловдихъди ва Урусатдин халкьарин аьдати культурайин Центрин директор Феруза Мягьямедовайихъди гюрюшмиш гъахьнийза. 

Аллагьверди Мукаиловичдин гафариинди, гьамусяаьт шагьриъ лихурайи тешкилатар «Дагестан Стекло Тара» ООО ва «Огни-хлеб» ООО ву. Гъубшу 2017-пи йисан 11 вазлин улупбариинди, асас капиталин инвестицйирин кьадар 200394000 манат гъабхьну. Улупнайи план 2017-пи йисан 528,8% тамам дапIна. Гъубшу йисан шагьрин бюджетдиз налогарин ва налогар дару 73141000 манат гъазанжар гъафну. (102,5%). Гьацира шагьрин бюджетдиз агьалйирин хусусиятналан гъюру налог – 101,8%, агьалйирин гъазанжарин – 102,1%, УСН – 102,2%, ЕНВД – 100,1%, жилин налог – 100,7%, госпошлина – 98,2% , налогар дару гъазанжар – 114,7% уч дапIна.

«Мянфяаьтлу АПК» проект давам шула

1 1 1 1 1 1 1 1 1 1 Рейтинг 5.00 (2 Голосов)

333Ухьуз варидариз рябкъюрайиганси, аьхиримжи йисари республикайиъ агропромышленный комплекс ужудар натижйир улупури артмиш шула. Гьамди республикайин экономикара артмиш шулайиваликан кIура.

Республикайин гъулан мяишат артмиш апIбан серенжемарин дахилнаъди уьмриз кечирмиш апIурайи Дагъустан Республикайин гьюкуматдин «2014-2020-пи йисари гъулан мяишат артмиш ва базрар гъулан мяишатдин сурсатарихъди, хаммалихъди тямин апIбан» программа уьмриз кечирмиш апIбаз РД-йин гъулан мяишатдин ва ипIру-убхъру сурсатарин Министерствойи хайлин кюмек апIура.

Улубкьу йисан республикайиъ уьмриз кечирмиш апIру инвестицйирин программйирин гьякьнаан гьерхри, улихьнаси узу РД-йин гъулан мяишатдин ва ипIру-убхъру сурсатарин Министерствойин проектар артмиш апIбан ва бицIина кьялан жюрейин мяишатчиваларин отделин начальник Мягьямед Патаховдихъди сюгьбат гъубхунза.

Налогар вахтниинди тувну ккунду

1 1 1 1 1 1 1 1 1 1 Рейтинг 5.00 (1 Голос)

4Аьхиримжи йисари ихь республикайиъ экономика за апIбан бадали, жюрбежюр проектарин зиин ляхин кIули гъабхура. Экономикайин гьял ужуб вуйиган, агьалйирин яшайиш ужуб шулайибдин ухьу вари гъавриъ ахьа.

Улихьдин йисариси гъи дилаварчивал къанунсузди кIули гъабхуз шуладар. Къанунар гьяспикк ккадру вахтар тарихдиъ гъитну, ихь юрднаъ ухьуз алахьурайи читин месэлйир гьял апIбан бадали, ихь баяр-шубарин уьмур ужуб терефназди дигиш хьпан бадали, гъи ухьу налогар вахтниинди тувну ккунивалин гъавриъ духьну ккунду. Республикайин вари йишвариъси, Дагъустандин Огни шагьриъра экономикайин гьял ужу алапIбаз гизаф фикир тувра. Му шагьрин агьалйири налогар тувбан гьял фициб вуш аьгъю апIури, узу шагьриъ айи налогарин инспекцияйин начальникдин заместитель Замира Гьяжиибрагьимовайихъди гюрюшмиш гъахьунза.

Рякъярилан йифар марцц гъапIундар

1 1 1 1 1 1 1 1 1 1 Рейтинг 5.00 (2 Голосов)

IMG 20180117 WA0005 CopyМагьа кьюрдун кьялаз дуфнахьа. Амма ухьу кьибла терефнаъ яшамиш шулайивализ лигну, ухьухь кьюрд думукьан я аьхъюб, ясана йифар айиб шулдар.

Асас вуди  коммуналин гъуллугъарин вари техника гьеле хьадан вазари имиди гьязур дапIну, кьюрдуз ккилибгури шулу. Амма гьаз-вуш, кьюрд улубкьиган, дурари дишлади чпин вазифйир фтиз-вуш ккилигури тамам апIури шулдар.

Республикайин экономикайин улихь ккимиди вуйи натижйир

1 1 1 1 1 1 1 1 1 1 Рейтинг 5.00 (1 Голос)

Декабрин 26-пи йигъан «Дагъустан» РИА-йин конференцйир гъахру майдандиин «Ачухъ гьюкум» проектдин дахилнаъди вахтназ вуди РД-йин Правительствойин председателин заместителин ва экономикайинна аьтрафарин артмиш’валин министрин вазифйир тамам апIурайи Раюдин Юсуфов журналистарихъди гюрюшмиш гъахьну. 

Конференция гьаму йисандин ккудушу 11 вазлин натижйир йивбаз бахш дапIнайиб вуйи.
Серенежем ачмиш апIури, Раюдин Юсуфовди къайд гъапIиганси, 2018-пи йисан рес-публикайиъ яшайишдин хайлин учIру месэлйир гьял апIуз планламиш дапIна. Дугъан гафариинди, му месэлйир 2018-пи йисаз гьязур дапIнайи бюджетдин кюмекниинди гьял апIуз хьибди.

Сабансана бикарваликан

1 1 1 1 1 1 1 1 1 1 Рейтинг 5.00 (1 Голос)

77pyСоветарин вахтари ихь дагълу юрднаъ жигьил хизанарин яшайиш абйир-бабарин пенсйирикан асиллу дайи. Ляхин апIуз ккуни касдиз думуган ляхин бихъуйи. Хизандихъди кючмиш духьну, Ватандин жара шагьрариъ бин ккивдариз йисарилан яшамиш шлу хулар тувуйи, ихь агьалйир жюрбежюр пIипIариъ ужуди кьабул апIуйи. «Ляхин апIуз ккуни касдиз ляхин бихъуру» кIури шулушра, улихьдин вахтари лихури гъахьи заводар, фабрикйир амдрувалихъди аьлакьалу уьмрин читинвалар гъийин вахтна Дербент шагьриъра жигьил хизанариин алахьура. Яшамиш хьуз хулар адрувализ, ляхин адрувализ лигну, дурар, чпиз ккундушра-ккундаршра, абйир-бабарихъди яшамиш шула.

Варихалкьарин дагъларин йигъ

1 1 1 1 1 1 1 1 1 1 Рейтинг 5.00 (1 Голос)

2017 12 12 151007Декабрин 11-пи йигъан ДГУНХ-йин конференцйир гъахру залиъ Варихалкьарин дагъларин йигъахъди аьлакьалу вуди яркьу конференция гъабхьну. Конференция Дагъустан Республикайин дагълу районарин экономикайин артмиш`вализ бахш дапIнайиб вуйи. Дидиъ вахтназ вуди РД-йин Правительствойин Председателин заместителин, РД-йин экономикайинна аьтрафарин артмиш`валин министрин вазифйир тамам апIурайи Раюдин Юсуфов ва республикайин хайлин дагълу районарин главйир иштирак гъахьну.
Къайд дапIну ккундуки, серенжемдиъ асас вуди гьял апIурайи месэлйир «2014-2018-пи йисари Дагъустан Республикайин дагълу терефнан аьтрафарин яшайишдинна экономикайин артмиш`валин гьякьнаан» Дагъустан Респуб-ликайин Гьюкуматдин программа уьмриз кечирмиш апIувалихъди ва 2016-пи йисан республикайиъ къайд гъапIу дагъларин Йисахъди аьлакьалу вуйи.

Жямяаьтлугъдин яшайиш за шула

1 1 1 1 1 1 1 1 1 1 Рейтинг 5.00 (1 Голос)

20171031 153346 Аьхиримжи йисари ихь гьюкуматдиъ Урусатдин Президент Владимир Путиндин гюзчиваликкди яшлуйирин, гьадму гьисабнаан пенсия гъадабгъурайи касарин, яшайиш улихьна гъабхбан метлеб ади саб жерге къанунар кьабул дапIна.

Ав, му жигьатнаан хайлин ужувлан дигиш’валарра духьна. РФ-йин РД-йиъ айи Пенсйирин фонднан Хив райондин отделениейин начальник Герман Асваровди субут апIурайиси, дурарин ляхниъ, вахтниинди пенсйир тяйин дапIну, дурар агьалйирихьна рукьбан месэлйири асас йишв бисура. Ляхинра гъабхура.

Рякъяр кьюрдун вахтнахьна гьязур дапIна

1 1 1 1 1 1 1 1 1 1 Рейтинг 5.00 (2 Голосов)

33CopyКIури шулу, Урусатдиз кьюб бедбахтвал а – рякъяр ва ахмакь инсанар! ИкибаштIан, думу бедбахтвалар Дагъустан республикайизра хас ву. Аьхиримжи вахтна республикайин рякъяриин йигълан-йигъаз артухъ шулайи машинарин кьадарну, дурар хъаъну гъягъбан саягъну инсанар мюгьтал апIура. Фицики саспиган гьаци аьжайибди, рякъюн гьяракатнан гьич сабкьан къайда дюрюбхди машинар хъаърайи касарра рякъюру.Мицисдар «игитари» кьюрднура машинар хъаъбан къайдйир чIур апIуру. 

Мялум вуйиганси, кьюрдун вахтна асфальт улубзнайи рякъюъди машин хъапIуз гъагъиди алабхъуру. Асас вуди аяз айи вахтари, рякъяриин миркк биснайивал себеб вуди, хайлин хатIалу дюшюшарра арайиз гъюри шулу.

Страница 6 из 16

f1 in1 ok1 t1 v1 y1

Top