ГлавнаяКриминалПрокуратура – къанун тамам апIбан гъаразнаъ

Прокуратура – къанун тамам апIбан гъаразнаъ

1 1 1 1 1 1 1 1 1 1 Рейтинг 5.00 (1 Голос)

прокурор

Прокуратура – му ватандашарин ва гьюкуматдин ихтиярар уьрхру, къанун тамам апIбиин ва конституцияйин вазифйир кIулиз адагъбиин гюзчивал гъабхру гьюкуматдин гьюкмин аьсиллу дару орган ву. Му пише уьлкейин артмиш'вализ важиблу вуйивализ лигну, гьюкмин идарйирин арайиъси, агьалйирин арайиъра прокуратурайиз аьхю гьюрмат а.

1996-пи йисхъан мина прокуратурайин гъуллугъчйирин Йигъ 12-пи январиъ къайд апIура. Думу йигъ хабарсузди ктабгъуб дар. 1722-пи йисан гьадму йигъан Петр I-рин Указдиинди Урусатдин сарпи генерал-прокурор Павел Ягужинский тяйин гъапIнийи. Гьамусяаьт прокуратура деврин жямяаьтлугъдин жюрбежюр циркларихъди аьлакьалу вуйи гьюкуматдин кьудратлу гъурулуш ву.

2018-пи йисан январин вазлихъан хъюгъну, Дагъустандиъ РФ-дин Генеральный прокуратура-йин комиссияйи ляхин гъапIну. Комиссияйин дахилнаъ уьлкейин жюрбежюр регионариан 38 прокурор айи. Урусатдин Генеральный прокурорин заместитель Иван Сыдорукди комиссияйи гъуху ахтармишарин натижйирикан чан докладдиъ къайд гъапIганси, диди къанун чIур апIбан гьякьнаан вари 2431 дюшюш ашкар гъапIну. Къайдасузвалар терг апIбан бадали, 83 представление, 170 разисузвал, судиинди вуйи тIалабнан 35 аьрза ва 9 тIалаб адагъну, административ къанун чIур апIбан гьякьнаан 433 дело ва 71 уголовный дело гъитIирккну.

Министрарин 7 заместители, заан гъуллугънаъ айидарин 6 теклифчийи, 14 гьякимди чпи коммерцияйин тешкилатариъ иштирак шулайивал жин гъапIну. Хусусиятнан ва гъюру гъазанжарин гьякьнаан мялуматар тувруган, заан гъуллугъариъ айи 170 касди аьхю гъалатIар деетну. Гьюкуматдин ва муниципалин игьтияжариз мутму масу гъадабгъбан къайдйир затра дюзди тамам апIурадар. Конкурсдиз ададабгъди гизаф миллиардарин мутму масу гъадабгъувалин дюшюшар ашкар гъапIну.

Комиссияйи ашкар гъапIганси, къанун уьбхру органари, бицIи-бицIи тахсиркарвалар ачухъ апIури, рягьятди ашкар апIуз шлу тахсиркарвалар гьисабназ гъадагъури, гъагъидар жин апIури, чпин ужудар натижйир улупури гъахьну. Коррупцияйихъди аьлакьалу тахсиркарвалариан уголовный дело гъитIибккуз къаршу вуйивалин къанунсуз къарар кьабул апIури, дурар жин апIури гъахьну. Комиссияйи жин дапIнайи 70 тасхиркарвал ачмиш гъапIну, дурарин арайиъ 2 инсан йивну йиувалин ва 3 террориствалин тахсиркарвал айи. Ахтармишарин натижйириинди 56 уголовный дело гъитIирккну.

ЖКХ-йин ляхниъ, Роспотребнадзориъ, сагъламвал уьбхбан, образованиейин, яшайишдин артмиш’валин цирклариъ гизаф кьадар къанунсузвлар ашкар гъахьну.

Прокурорарин десантди гъубху ляхнин кьяляхъ, республикайиъ къайдасузвалар терг апIбан ляхин давам апIура.

Комментарии:

f1 in1 ok1 t1 v1 y1

Top