ГлавнаяКультураРабиуль Авваль – пайгъамбарин ваз

Рабиуль Авваль – пайгъамбарин ваз

1 1 1 1 1 1 1 1 1 1 Рейтинг 5.00 (1 Голос)
7py/Диндин мурччв/

Ассаламу аьлейкум, гьюрматлу мусурман гъардшар ва чйир! Магьа Рабиуль Авваль вазра улубкьна. Му вари мусурмнар лап иштагьниинди ккилигурайи ваз ву. Гьаз гъапиш, думу вазли Аллагьу Тааьлайи му жилиина Чав халкь гъапIу махлукьатарикан варитIан заанди дерккнайи, Чаз варитIан ккуни ва вари аьлам гьадму кас бадали халкь гъапIу Мугьяммад пайгъамбар бабкан гъахьи ваз ву. Йиз фикриан, му вазлин фазилатнакан (лайикьлуваликан), Мугьяммад пайгъамбрин заан дережайикан хабар адрудар мусурмнарин арайиъ гьичра адаршул. Мусурман дару касаризра кмиди му касдин уьмрикан лап ужуди аьгъя. Аллагьу Тааьлайи гирами Кьур’андиъра, Мугьяммад пайгъамбар бадали вари аьлам халкь гъапIунза, кIура. Аллагьу Тааьлайин му гафарикан ухьу гьарсари фикир дапIну ккунду. Гьаци вуйиган, гьаму макьалайиъ жикъиди Мугьяммад пайгъамбрин уьмрикан ктибтидихьа.

Мугьяммад пайгъамбар арайиз гъювал

Мугьяммад пайгъамбар филин йисан раби-уль-авваль вазлин 12-диъ, итни йигъан Мекка шагьриъ, кьурайшитарин тухумдиан вуйи Гьяшимдин хизандиъ бабкан гъахьну. Дугъан адашдиз Аьбдуллагь кIуйи, дадайизра – Аминат.
Думуган Аьравияйиъ айи аьдатариз асас духьну, кьюд йис хьайизкьан Саад кIуру тухмарикан вуйи Гьялимат кIуру хпири дугъаз чан мухрилан никк тувнийи.
Пайгъамбрин адаш къанна хьуд йисаъ ади, чан хпирик кьюб вазлин бицIир кайи вахтна, кечмиш шулу, хъа дада кечмиш шлуган, Мугьяммаддин йирхьуд йис вуйи. Думу кечмиш хьпан кьяляхъ, Мугьяммад кьюд йисан чан аба Аьбдул-МутIалибдихь яшамиш шули гъахьну. Худлин миржид йис гъабхьиган, абара кечмиш шулу. Хъасин думу чан халу АбутIалибди чахьна гъадагъуру.
Зегьмет зигбахьна ухди вердиш гъахьи Мугьяммад мекканлуйирин чарвйирихъ гъушну. Лапра ухди, бицIидигандин вахтналан ккебгъну, думу камаллу, гьякь’вал ккуни, ихтибарвализ лайикьлу, хъугъ`вал кIулиз адабгъру, чан гаф тасдикь апIру, эдеблу, намуслу, гьич саб жюрейинра гъалатIар дарапIру, фикирлу бай вуди гъахьну. 25 йис яш гъабхьиган, Мугьяммадди, адлу ачIни дишагьли Хадижатдин теклифниинди, думу чаз хпирди гъадагъуру. Мугьяммад чан ватанагьлийирин арайиъ намуслу, лайикьлу касси адлу духьнайи, дугъу гьич саб вахтнара кучIал апIурдайи.

Пайгъамбарихьна Жабраил малаик гъювал

Сабпи ражну Мугьяммаддин аьяндарвалин ляхин дугъан 40 йис дубхьнайиган ашкар гъабхьнийи. Аьрш-курсдин гъурулушдикан, дюн`яйин, яшайишдин ва йикIувалин сирарикан ялгъузвалиъ фик-рар апIуз кIури, думу «Гьираъ» кIуру дюрхъяз нубатнан ражну дуфнайиган, саб дупну дугъахьна Жабраил малаик дуфну, буйругъ апIуру: «Икьра!» («Урх!»). Мугьяммадди жаваб тувру: «Узуз урхуз аьгъдарзуз». Дугъаз, дугъриданна, урхуз аьгъяди гъабхьундар. Малаикди чан буйругъ текрар апIуру, хъа дугъу цIийикIултIан хъана гьациб жаваб тувру. Шубубпи ражну Жабраили кIуру: «Урх, Первердигарин ччвурнахъан…» Мугьяммадди гьадму гафар текрар апIуру, ва дугъаз дурар чан кIвак гъидикIганси шулу. Жабраил малаикди Мугьяммаддиз, уву пайгъамбар вува, Аллагьди Гьаънайир вува, кIури хабар тувну. Гьаддихъанмина Аллагьу Тааьлайихьан Жабраил малаикдиланмина Мугьяммад пайгъамбрихьна Кьур’ан рубкьуз хъюгъювал субут гъабхьну. Думу ляхин 23 йисан арайиъ давам гъабхьнийи. Дюн’яйин аьгьвалатариз тялукь вуди, тарихдин лазим гъабхьи дюшюшариъ инсаниятдиз Кьур’ан паяриинди ачмиш шули гъабхьну.

(Аьхир гъюру нумрайиъ)

 

Комментарии:

f1 in1 ok1 t1 v1 y1

Top