ГлавнаяКультураПушкиндин махъв табасаран чIалназ илтIибкIну

Пушкиндин махъв табасаран чIалназ илтIибкIну

1 1 1 1 1 1 1 1 1 1 Рейтинг 5.00 (1 Голос)

e84a1ae2 8973 453b 90a5 628584ee4be5Магьа нубатнан ражари чапдиан Гюлбика Уьмаровайин цIийи, бицIидариз дибикIнайи китаб удубчIвну. Думу табасаран чIалназ таржума дапIнайи А.С.Пушкиндин «Сказка о мертвой царевне и о семи богатырях» эсер ву.

Чапдиан удубчIвнайи цIийи китабдихъди урхрудар таниш апIбан серенжем декабрин 5-пи йигъан Расул Гьямзатовдин ччвурнахъ хъайи РД-йин Милли библиотекайиъ кIули гъубшну.

Серенжемдиъ ихь аьлимар – Сабрина Шихялиева, Марина Гьясанова, Ширинат Жамалиева, Юнус Муртазялиев ва ихь машгьур шаирар – Багъир Ражабов, Эльмира Аьшурбегова ва хайлин жара касар иштирак гъахьнийи.

Къайд дапIну ккундуки, А.С. Пушкиндин му махъв ихь чIалназ шубур шаири таржума дапIна: МутIалиб Митаровди (1972-пи йисан), хъа цци Эльмира Аьшурбеговайина Гюлбика Уьмаровайи. Таржума дапIнайи эсер саб вушра, дидиз тувнайи ччвурар,

121fc8b5 acd8 4021 8e76 a10afd2fece7таржума апIбан къайдйирра жа-жарадар ву. Мисалназ, Гюлбика Уьмаровайи чан эсериз «ГъачIи бикайиканна ва ургур пягьливникан махъв», хъа Эльмира Аьшурбеговайи «Паччагьдин гъакIи шуркан ва ургур багьадурикан махъв» ччвурар тувна. Яна, пуз ккундузузки, таржума дапIнайи махъвран мяна саб вушра, гьарсар таржумачийиз бикIбан чан хатI айивализ лигну, дурарин эсерар саб-сабдихъди тевиган, хайлин фаркь`вал рябкъюра. Диди табасаран чIалниин лихурайи касариз, лингвистариз, ихь аьлимариз ахтармиш апIбан ляхин гъабхуз аьхю мумкинвал яратмиш апIура.

БицIидариз вуйи «ГъачIи бикайиканна ва ургур пягьливникан махъв» китабдин гьякьнаан серенжемдиз дуфнайи вари касари ихь шаириз чухсагъул мялум гъапIнийи. ЦIийи китаб удубчIвбахъди дидин автор тебрик апIури, уч духьнайидарин улихь удучIвну гъулху РАН-дин ДНЦ-йин чIалнан, литературайин ва искусствойин институтдин илмарин гъуллугъчи Юнус Муртазялиевди шаирикан мектебдиз гъягъру яшнакк ккуркьну адру бицIидариз табасаран чIалниинди вуйи бицIи шиърар дикIуб ккун гъапIнийи.

Серенжемдин аьхириъ Каспийск шагьрин 4-пи нумрайин мектебдин ккергъбан классариъ урхурайи бицIидари ва ДГУ-йинна ДГПУ-йин дагъустандин филологияйин факультетарин табасаран студентари Гюлбика Уьмаровайин шиърар гъурхнийи.

Комментарии:

f1 in1 ok1 t1 v1 y1

Top