ГлавнаяКультураХалкьдин шаирин гьюрматназ

Халкьдин шаирин гьюрматназ

1 1 1 1 1 1 1 1 1 1 Рейтинг 5.00 (4 Голосов)

IMG 20171205 WA0012Улихьна йигъари Хив райондин библиотекйириъна мектебариъ Дагъустандин халкьдин шаир Фазу Аьлиева Гьямзатовна кIваина хпаз бахш дапIнайи серенжемар кIули гъушну. Серенжемар шаирин 85 йисандин юбилейиз тялукь вуди тешкил гъапIну.

Хив ЦБС-диъ тешкил гъапIу шаирин яратмиш апIбарин выставкайихъди таниш хьуз гъафи баяр-шубариз библиотекайин кIулиъ айи Зумрият Сялигьовайи маракьлу сюгьбат гъапIну.

– Фазу Гьямзатовнайи Дагъустандин, вари Урусатдин литературайиъ дерин шил гъибтну. Думу СССР-рин, Дагъустандин дагълу дишагьлийирин арайиан сарпир вуди, «Халкьдин шаир» заан ччвурназ лайикь гъахьну. Ихь ватанагьлийин ччвур уьлкейин машгьур дишагьлийирин ччвурар кайи Китабдиъра а. Фазу Аьлиевайин яратмишар дюн’яйин 68 чIалназ таржума дапIна. Хъа шаирин публицистикайин агъзрариинди дикIбар Урусатдиъ ва харижи уьлкйириъ чап дапIна.

Фазу Гьямзатовна ихь арайиан душну думукьан вахт дар. Думу чан аьхиримжи йигъаризкьан, жямяаьтлугъ уьмриъ натижалу уьлчмйир кьабул апIури, ватандаш’валин тереф уьбхюри ими. Дагъустандин дишагьлийирин Советдиз регьбервал туври, дугъу яшайишдин читин аьгьвалатнаъ айи хайлин дишагьлийириз кюмекар гъапIну. Ухьу Фазу Гьямзатовнайикан вуйи фикрар аьсрариинди марцциди уьрхюз буржлу вухьа, – гъапну З. Сялигьовайи.

Шаирин гьюрматназ тешкил гъапIу мяракйириъ урхурайидари Фазу Аьлиевайин яратмиш апIбариан хайлин шиърар гъурхну.

Дупну ккундуки, улупнайи серенжемар гъахувализ наслар рюгьлувалин ва ватанпервервалин гьиссариккди тербияламиш апIбан жигьатнаан аьхю мяна а.

Комментарии:

f1 in1 ok1 t1 v1 y1

Top