ГлавнаяКультураЖулжагъ гъулаъ медениятдинна азад вахт адапIру Центр абццну

Жулжагъ гъулаъ медениятдинна азад вахт адапIру Центр абццну

1 1 1 1 1 1 1 1 1 1 Рейтинг 4.50 (1 Голос)

IMG 1528Декабрин 12-пи йигъан Табасаран райондин Жулжагъ гъулаъ дибдиан цIийи алапIбалан кьяляхъ, медениятдинна азад вахт адапIбан Центр абццбахъди аьлакьалу шадвалин серенжем гъабхьну. Серенжемдиъ «Табасаран район» МР-ин глава Алавудин Мирзабалев кIулиъ ади хяларин аьхю делегация иштирак гъабхьну. Дидин дахилнаъ РД-йин Халкьдин Собраниейин депутат Мягьямед Къурбанов, вахтназ вуди РД-йин медениятдин министрин вазифйир тамам апIурайи Зарема Бутаева, райадминистрацияйин глава Иса Исаев ва дугъан заместителар, райондин медениятдин идарйирин кIулиъ айидар, саб жерге гъуларин поселенйирин главйир, гъуниш районариан хялар айи. Серенжемдиъ гьацира «Жулжагъ гъулан совет» СП-йиз дахил шулайи вари гъулариан агьалйир иштирак гъахьнийи.

Медениятдинна азад вахт адапIбан Центр ачмиш апIури, уьру лента «Табасаран район» МР-ин глава Алавудин Мирзабалаевди, РД-йин Халкь-дин Собраниейин депутат Мягьямед Къурбановди, вахтназ вуди РД-йин медениятдин министрин вазиф-йир тамам апIурайи Зарема Бутаевайи гьадабтIнийи. Хъасин хялар медениятдинна азад вахт адапIбан идарайин айитI йишвариз гъилигнийи. Дидин кьяляхъ асас серенжемар цIийи залиъ давам гъапIнийи.
IMG 1508– Жулжагъ гъулаъ медениятдинна азад вахт адапIбан Центр аварийный гьялнаъ ади гизаф йисар вуйи. Хъа 2017-пи йисан думу «2015-2020-пи йисариз Дагъустан Республикайиъ медениятдин армиш'вал» гьюкуматдин Программайин сяргьятариъди дибдиан рас апIуз мумкинвал гъабхьну, – гъапнийи, уч духьнайидарин улихь удучIвну улхури, райондин главайи. – Гъи улихьгандин йирси дараматдин йишв'ин вари жюрейин шартIар, жямяаьтлугъ ва азад вахт адапIбан серенжемар гъахуз вари мумкинвалар ва шартIар айи асуллагь цIийи дарамат рябкъюрахьуз.
Райондин главайи, гьацира, серенжемдиъ удучIвну улаури, Зарема Бутаевайи, Мягьямед Къурбановди республикайиъ меденият артмиш апIбан терефнаан гъабхурайи ляхникан, гъулариъ медениятдин центрар ачмиш апIбан эгьемиятлуваликан гъапнийи ва Жулжагъ гъулан агьалйир медениятдин дициб уьмарат абццбахъди тебрик гъапIнийи. «Жулжагъ гъулан совет» СП-йин глава Шягьимерден Гьясанаваевди, гъулан агьали Минаханум Шябановайи гъулан агьалйирин терефнаан республикайин, райондин кIулиъ айидариз чпин гъулаъ дициб объект дивбаз чухсагъул мялум гъапIнийи.
Серенжемдиъ Зарема Бутаевайи, ляхниъ гъазанмиш гъапIу хъуркьувалариз лигну, Жулжагъ гъулан медениятдинна азад вахт адапIбан Центрин директор Мягьямед Исабеговдиз, «Жулжагъ гъулан совет» СП-йин глава Шагьимерден Гьясанаваевдиз, Табасаран райондин медениятдин гъуллугъчи Ражаб Нуровдиз Гьюрматнан грамотйир тувнийи. Гьюрматнан грамотйир райондин главайин терефнаанра библиоткайин гъуллугъчи Аьликерим Аслановдиз, медениятдин гъуллугъчйир Аьбдурягьман Мягьямедялиевдиз, текилишчи Вадим Аьбдурягьмовдиз ва жарадариз тувну.
Шадвалин серенжем, медениятдинна азад вахт адапIбан центрин гьяятдиъ ялхъвнар, мяълйир апIури, кьаназ давам гъабхьнийи.

Комментарии:

f1 in1 ok1 t1 v1 y1

Top