ГлавнаяКультураХъуркьувалар хьиди

Хъуркьувалар хьиди

1 1 1 1 1 1 1 1 1 1 Рейтинг 5.00 (1 Голос)

198af679fb4327f86ed36fec4115c408Декабрин 14-пи йигъан «Дагъустан» РИА-йин конференцйир гъахру залиъ вахтназ вуди Дагъустан Республикайин культурайин ирс уьбхру Агентствойин руководителин вазифйир тамам апIурайи Заур Къягьриманов республикайин СМИ-йин вакиларихъди гюрюшмиш гъахьну.

Агентствойин кIулиъ айири къайд гъапIганси, Дагъустандиъ думу идара ачмиш дапIну, гьеле сад йистIан дар. «Республикайин аьтрафариин культурайин ирснан ва тарихдин аьхю мяна айи 6474 объект ерлешмиш духьна. Дурарикан 1933 ядигар федералин, хъа 4514 – республикайин мяна айидар ву. Гьаму ядиграрин гьисабназ узу тарихдинна архитектурайин комплексар ва республикайин 40 гъулан тарихи йишварра гъадагъназа. Мидланра гъайри, республикайин аьтрафариин тазади ашкар гъахьи, культурайин ирснан мяна айи 2278 цIийи ядиграрра гьюкуматдин терефнаан фикир тувбаз ва уьрхювализ ккилигура. Учу ляхин апIурайи йисандин муддатнаъ культурайин мяна айи ихь вари 6500-дихьна ядиграр Урусатдин Реестрин гьисабназ гъадагъбан гьякьнаан ляхин гъубхунча. Му цирклиз гьарсаб муниципалитетдиъ фикир тувру кас тяйин гъапIну. Ихь республикайин хайлин дилаварчи касари, меценатари, инвесторари чпин районарин культурайин ядиграр цIийи алауз гаф тувна. Гъюру йисан хъана ужудар хъуркьувалар хьиди», – гъапну Заур Къягьримановди.

Комментарии:

f1 in1 ok1 t1 v1 y1

Top