Театрин Йигъ

1 1 1 1 1 1 1 1 1 1

8 1Февралин 13-пи йигъан Мягьячгъала шагьриъ Поэзияйин театриъ, табасаран культурайиз бахш дапIнайи Гьяфтайин серенжемарин графикдин дахилнаъди, Гьюкуматдин табасаран драмтеатри чан ужударсдар спектак-лариан бицIи сягьнйир улупну.

Серенжем ккебгъайиз улихьна, Поэзияйин театрин директор Eлена Гьаруновайи уч духьнайи тамашичйириз табасаран театрин хъуркьуваларикан, аьхиримжи йисари театрин коллективди диву цIийи спектакларикан ктибтну ва му театр варидари аьхю аьшкьниинди кьабул апIурайиваликан гъапну. «Табасаран театр – гъи республикайин театрарик варитIан кьанди ачмиш гъапIу, жигьил театр ву. Думу гъи дурумлуди артмиш шула. Театри аьхиримжи спектаклиз теклиф апIувал, хъа думу 18-пи февралиъ гъябгъиди, узу аьхю аьшкьниинди кьабул гъапIунза. Фицики «Гъала» спектакль тарихдин гьядисйириан дивнайиб ву», – гъапну Елена Гьаруновайи.

Серенжем Гьюкуматдин табасаран драмтеатрин директорин заместитель Эльмира Аьшурбеговайи ва театрин режиссер Жамбулат Гьябибовди кIули гъубхнийи. Дурари гьарсаб спектаклин кьатI ккебгъайиз улихьна, думу спектакликан яркьуди ктибтури, тамашачйир дидин асас мянайихъди таниш апIури гъахьну.

Сягьнайиина адагъу «Малла Несредин», «Аьмалдар хпир», «Эвелин дих» ва ихь халкьдин аьдат улупурайи «Ушвурик» спектакларин кьатIар тамашачйири аьхю гьевесниинди кьабул гъапIну.

Комментарии:

f1 in1 ok1 t1 v1 y1

Top