ГлавнаяЛитература«Мяъли кIури ккебебехъру ашукь юкIв»

«Мяъли кIури ккебебехъру ашукь юкIв»

1 1 1 1 1 1 1 1 1 1 Рейтинг 5.00 (1 Голос)

WhatsApp Image 2018 11 07 at 11.53.44

Ноябрь вазлиъ Дагъустандин китабханайиъ табасаран шаир ва таржумачи Эльмира Аьшурбеговайин цIийи китаб чапдиан удубчIвну. «Лизи ваз» ччвур иливнайи поэзияйин гъварч аьдати китаб дар. Диди ихь ватанагьлийин кьувватлу бажаранваликан утканди шагьидвал апIура, фицики китабдиъ жюрбежюр темйириан жюрбежюр жанрариъ дидикIнайи заан художествойин эсерар уч дапIна.

Шаксузди, пуз шулзухьан, му китабди табасаран поэзия цIийи жанрарихъдира варлу апIура, фицики урхурайидарихьан дидиъ Э. Аьшурбеговайи ихь литературайиз дубхнайи жанр – поэзияйин дюаьйихъди таниш хьуз шулу («Шубуб дюаь», «Сариз кадру дюаь»).

Дидланра савайи, заан устадвалиинди дидикIнайи йицIисаб сонетра тувна. «Дербент ктарди, имбунуб ккебкну вари» ччвур тувнайи сонетарин гъварчнаъ кюгьне Дербентдин тарих шикиллу апIура, дидин суйлу гьюкумдрарин, шагьриъ яшамиш шули гъахьи машгьур касарин суратар ачухъ дапIна, аьсрарин таяр вуйи гъалайин цалар, кюгьне накьвар аьхю устадвалиинди улупна. Сонетарин гъварчнаъ тувнайи гьарсаб гафнаъ, гьарсаб суратнаъ авторин багъри шагьрихьна вуйи дерин ккунивал ва гьюрматлувал рябкъюра. 

Китабдиъ лайикьлу йишв 2015-пи йисан Кафари Кавказдин республикйирин арайиъ кIули гъубшу литературайин конкурсдин Гран-прийиинди лишанлу гъапIу «Лизи луфракан кьиса» поэмайи дибисна. Думу эсер шуран заан марццивал айи мюгьюббатназ ва дугъан ккунирихьна вуйи уьмурлугъ вафалувализ поэзияйин дакьатариинди дивнайи ядигар ву.

Табасаран театрин директорин заместителди лихурайи Эльмира Аьшурбеговайиз багъри театрин гьял дапIну ккуни учIру месэлйирикан, дидиз литературайин заан тIалабариз жаваб тувру эсерариз айи игьтияжнакан ужуди аьгъя. Гьаддиз, йиз фикриан, автор шиърариинди дявдин темайиан дибикIнайи «Лизи ваз» кIуру драмайиъ гьадму вари тIалабар атIагуз чалишмиш гъахьну. Гьелбетда, пьесайиз лайикьлу кьимат гележегдиъ тамашичйири тувди.

Китабдиъ Эльмира Аьшурбеговайин поэзияйин бажаранвалин сабсана тереф уччвуди ачухъ дубхьна. Аьхиримжи вахтари дугъу чан кьувватар таржума апIбаъра ахтармиш апIура. Дупну ккундуки, аьхю хъуркьувалиинди. Шаири табасаран чIалназ таржума дапIнайи А.Пушкиндин «Паччагьдин гъакIи шуркан ва ургур багьадурикан» махъвнаъ авторин хатI, махъвнан игитарин суратарин гьяйбатлувал, шиърин гьенг – вари оригинализ шлубкьан багахь вуди илтIибкIна.

Умудлу вуза, Эльмира Аьшурбеговайин кIул'инди вуйи 7-пи китабди ихь литературайин хазнайиъ лайикьлу йишв бисиди.

Комментарии:

f1 in1 ok1 t1 v1 y1

Top