ГлавнаяО РЕДАКЦИИО насО редакцииРуководительМаллалиев Гюлахмед Нуралиевич

Маллалиев Гюлахмед Нуралиевич

Маллалиев Гюлахмед Нуралиевич

IMG 9306 копияГюлягьмед Нурялиевич Маллааьлиев 1977-пи йисан 2 декабри Табасаран райондин Заан Гюгьрягъ гъулаъ духтрин аьхю хизандиъ бабкан гъахьну. 1993-пи йисан, Дагъниарин бегьемди дару кьялан мектбдиъ 9-пи класс заан кьиматариинди ккудубк1ну, Дербентдин педучилищейиъ урхуз куч1вну. 1998-пи йисан думу уьру диплом хьади кк1дубк1ну ДГПУ-йин филологияйин факультетдиъ урхувал башламиш гъап1ну. 2001-пи йисан филологияйин образованиейин бакалаврдин, 2003-пи йисан – филологияйин магистрвалин дережа гъадабгъну. 2002-2003-пи йисари к1ули гъубшу  шубуб этапдикан ибарат вуйи Вариурусиятдин студентарин «Йиз хал. Йиз шагьур. Йиз уьлке» конкрсдиъ гъалиб духьну, Урусатдин Президент В. Путиндихъди гюрюшмиш гъахьну ва Президентдин ччвурнахъ вуйи гъизилин сяътин сагьиб гъахьну.

2003-пи йисхъан мина гъийин йигъаз ДГПУ-йин филологияйин факультетдиъ литературайин кафедрайиъ ассистенди, мялимди, гьамусяаьт доцентди лихура.

2006-пи йисан, «Художествойин таржумайин месэлйир (урус ва табасаран поэзияйин художествойин текстариин асаламиш вуди)» диссертация дюбхну, филологияйин илмарин кандидатвалин степень гъадабгъну.

Гьамусяаьт гъийин деврин табасаран литературайин поэтикайин меселйириз тялукь вуйи докторвалиин диссертацияйиин зиин ляхин гъабхура.

Гюлягьмад Маллааьлиевдиз журналистикайин тажрубара а.  2002-пи йисан августдиан 2004-пи йисан январиз думу «Табасрандин нурар» газатдин отделин редакторди гъилихну; 2003-2007-пи йисар ДГПУ-йин профсоюздин «MGM» газатдин, 2009-2013-пи йисари ДГИНХ-дин «Однокурсникар» газатдин к1улин редакторди гъилихну.

2013-2017-пи йисари Намуснан свободайин ва диндин идарйирихъди аьлакьйирин Комитетдиъ махлукьатдинна аналитикайин отделиъ к1улин пишекарди, хъасин отделин редакторди гъилихну; 2016-пи йисланмина гъийиз «Дагкомрелигия» сетевой изданиейин к1улин редакторди гъилихну.

2016-пи йисан ляхнин улупу хъуркьувалариз лигну Дагъустандин Правительствойин Почетный грамотайиинди лишанламиш гъап1ну.

56 илимдин ва 5 урхбанна методикайин пособйирин автор ву.

Эвленмиш духьна.

Бализна шураз тербия тувра.

 

f1 in1 ok1 t1 v1 y1

Top