ГлавнаяОбразование

ХатIасуз Интернет

1 1 1 1 1 1 1 1 1 1

image

Аьхиримжи йисари ихь уьмриъ убчIву Интернетди инсанарин яшайиш рягьят апIура. Улихьганси дарди, гьамусяаьт гъибикIу кагъаз, лазим вуйи документ саб секунддин арайиъ хътапIуз шула. Гьацира Интернетдин гизаф йисариинди шил дарди дургнайи инсанар агуз ва дурарин аьлакьйир мюгькам апIуз кюмек тувра.

«Абилимпикс» чемпионатдин натижйир

1 1 1 1 1 1 1 1 1 1

18-19-пи октябриъ «Абилимпикс» чемпионат кIули гъубшнийи. «Абилимпикс» чемпионат инвалидари гъадагъурайи пишйириан чпин пишекарвал улупурайи талитарин олимпиада ву. Региондиъ му чемпионат гъабхури кьюбпи раж ву. Дидиъ 12 компетенцияйиан 90 кас талитариъ иштирак гъахьну.

Кьюд йигъандин арайиъ чемпионатдин иштиракчйири чпик кайи ляхин хайлиндариз улупну. «Абилимпикс» чемпионат кIули гъубшу йигъари дидин иштирачйирин ляхниз лигуз республикайин шагьрар, гъуларианси, гьятта СКФО-йин регионарианра 1000-тIан артухъ мектебариъ урхурайидар гъафну.

«Абилимпикс» чемпионатдин натижйирикан

1 1 1 1 1 1 1 1 1 1

18-19-пи октябриъ «Абилимпикс» чемпионат кIули гъубшнийи. «Абилимпикс» чемпионат инвалидари гъадагъурайи пишйириан чпин пишекарвал улупурайи талитарин олимпиада ву. Региондиъ му чемпионат гъабхури кьюбпи раж ву. Дидиъ 12 компетенцияйиан 90 кас талитариъ иштирак гъахьну.

Кьюд йигъандин арайиъ чемпионатдин иштиракчйири чпик кайи ляхин хайлиндариз улупну. «Абилимпикс» чемпионат кIули гъубшу йигъари дидин иштирачйирин ляхниз лигуз республикайин шагьрар, гъуларианси, гьятта СКФО-йин регионарианра 1000-тIан артухъ мектебариъ урхурайидар гъафну.

«Абилимпикс» чемпионат гъабхьну

1 1 1 1 1 1 1 1 1 1 Рейтинг 5.00 (1 Голос)

8
Октябрин 18-19-пи йигъари РД-йин зегьметнанна яшайишдин артмиш’валин Министерствойи, дидиз дахил шулайи, жигьилариз ляхин тувру «Успех» центри РД-йин Правительствойихъди сатIиди мектебариъ ва кьялан пишекарвалин урхбан идарйириъ урхурайи инвалид касарин арайиъ региондин II чемпионат «Абилимпикс» кIулиъ гъубхну.

«Абилимпикс» – инвалидари гъадабгънайи пишейиан дурари чпин пишекарвал улупурайи олимпиада ву. Региондин дережайиъ гъалиб гъахьидариз хъасин федералин дережайиъди кIули гъябгъру чемпионатдиъ иштирак хьуз мумкинвалра шула.

КьатI’и жаваб адар

1 1 1 1 1 1 1 1 1 1 Рейтинг 4.50 (2 Голосов)

344

ЦIиб улихьнаси Мягьячгъала шагьриъ Дагъустандин уьмуми образованиейин идарйир китабарихъди тямин апIбан темайиан кIули гъубшу яркьу совещаниейиъ вахтназ вуди РД-йин образованиейинна илимдин министрин вазифйир тамам апIурайи Уммупазил Уьмаровайи му месэла республикайиъ варитIан учIрударикан саб вуйивал къайд гъапIнийи. 

Дугъан гафариинди, мектебар предметариан китабарихъди тямин апIбан месэла асккан дережайиъ а, хъа улупнайи стандартариинди тасдикь дапIнайи образованиейин программйир учебникар адарди дургъуз гъагъиди ву. РФ-дин просвещениейин Министерствойиз му аьгьвалатнакан хабар а, ва РФ-дин гьюкуматди Дагъустандин мектебар 100% китабарихъди тямин апIуз дакьатар жара гъапIну.

Уьмрин жилгъйир

1 1 1 1 1 1 1 1 1 1 Рейтинг 5.00 (1 Голос)

Мектебдиъ 6-пи классдизкьан узу заан аьгъювалариз урхури гъахьнийза. Амма тазади кивуз хъюгъю предметар узуз цIиб гъагъиди алахьуз хъюгъювалиан, йиз кьиматаригъ юкьбарра гъючIвну. Шубубпи ражари «4» гъадабгъну мектебдиан хулаз гъягъюрайиган, адаш уз’ин рази хьидар, дугъу ужуб кьиматси – хьуб, хъа юкьуб – харжибси гьисаб апIура, кIуру фикрари узу сикинди гъитрадайи. Йиз дневник мици адашдиз улупуз хай шулдар дупну, кьиматар «дюз» кьаст гъапIнийза.

Сумкайиан дневник адабгъну, думу кьамкьариин дивну, юкьбар ктIушвуз хъюгъюнза. Дурар ктIушвуз шуладайи. Думуган узу дурар бицIи убрушвин кIакIнахьди алцIахьунза. КIаж лап чIилли гъабхьнушра, узу узуз диву цIийи кьиматар сабпну уларикк ккархьрайи. Узу хулаз гъафиган, сарира йиз двневник гьерхундайи. Гьаци, сад-кьюд йигъ гъушну, гьяфтара улдубчIвну, амма дневник гьерхрур адайи. Узуз узу дневникдиъ гъапIу тахсиркар ляхин ашкар шлувалихьан гьар йигъан гучI кабхъну гъабхьнийзуз. АлцIаху йишварин кIуллан узухъди абйир-бабар улхрубдин гъавриъ айза. Узу, мектебдиъ чIили духьнайивалиан гьамус урхъар ктахьу йишвар гъудургну кIури, миж кади гьар йигъан дневник абццри гъахьнийза. Амма дурар гъюблан-гъюбаз аьхютIан шуладайи.

Китабарихъди тямин апIиди

1 1 1 1 1 1 1 1 1 1 Рейтинг 5.00 (1 Голос)

1Сентябрин 19-пи йигъан вахтназ вуди РД-йин Правительствойин Председателин заместителин – региондин илимдинна образованиейин министрин вазифйир кIули гъахурайи Уммупазил Уьмаровайин регьберваликкди совещание кIули гъубшну.

Совещаниейиъ республикайин образованиейин идарйир китабарихъди тямин апIбан месэла гьял гъапIнийи. Совещание ачмиш апIури, министри къайд гъапIганси, му месэла республикайиз лап важиблуб ву, фицики мектебар китабарихъди тямин апIувал лап асккан дережайиъ а, хъа уьмуми образованиейин программйир тялукь учебникар адарди тамам апIуз гъагъиди шулу.

Форум «EduWave» Дагъустандиъ

1 1 1 1 1 1 1 1 1 1 Рейтинг 5.00 (1 Голос)

Гьаму йигъари «Дагъустан» РИА-йин конференцйир гъахру залиъ образованиейин индустрияйин кIулиъ айидарин «EduWave» форумдин тешкилатчйир республикайин журналистарихъди гюрюшмиш гъахьну.

Серенжемдиъ Мягьячгъала шагьрин администрацияйин главайин заместитель Запир Алхасов, Дагъустандин педагогарин Ассоциацияйин председатель Анжела Байрамбегова, «Атлас Коммуникации» тешкилатдин генеральный директор Татьяна Рантина ва пишекарвалин дережа за апIру Мягьячгъалайин центрин директор Мягьямед Абакаров айи.

Наслариз –деврин шартIар

1 1 1 1 1 1 1 1 1 1 Рейтинг 4.00 (3 Голосов)

IMG 20180905 WA0021 Образованиейин циркил артмиш апIури, Хив райондиъ хайлин уьлчмйир кьабул дапIна. Гьаци, улупнайи вахтназ ЦIудихъ гъулаъ 80 бализна шураз деъру йишвар ади мектебдин тикилишар дивбан ляхнар егин еришариинди кIули гъягъюра.

ЦIудхъарин гъулан мектеб 1957-пи йисан тикмиш гъапIуб ву. Думу дараматдиъ саб жюрейинра шартIар адар. Тикилишарин ишлетмиш'валин муддат ухдитIан улдубчIвнайивал фикирназ гъадабгъну, мушваъ цIийи мектеб дивуз къарар адабгънийи. Тикилишар 2016-пи йисан ккергъну, амма дакьатарин кьитвал себеб вуди, тикилишчивалин ляхнар дерккну. Мектеб гьюкуматдинна хусуси тешкилатари уртахъди тикмиш апIура.

ЦIурутIил – цIийи мектеб

1 1 1 1 1 1 1 1 1 1 Рейтинг 5.00 (1 Голос)

1Сентябрин 1-пи йигъан ЦIурутIил гъулаъ 80 деъру йишв айи мектебдин цIийи дарамат ишлетмиш апIуз тувбахъди аьлакьалу серенжем кIули гъубшну. Шадлугъанан мярака-йиз райондин глава Алавудин Мирзабалаев, РД-йин сагъламвал уьбхбан министр Жамалудин Гьяжиибрагьимов, РД-йин Халкьдин Собраниейин депутат Мягьямед Къурбанов ва жара жавабдар гъуллугъчйир, райондин идарйирин, тешкилатарин кIулиъ айидар, хъа гьацира мектебдиъ урхурайидар, мялимар, гъулан агьалйир ва хайлин хялар дуфнайи.

Дупну ккундуки, думу мектебдин тикилишар 2012-пи йисан ккергънийи, амма пулин дакьатар адрувалихъди аьлакьалу вуди, вари ляхнар дерккнийи. Хъа гьаму йисан вахтназ вуди РД-йин Главайин вазифйир тамам апIурайи Владимир Васильев, тикилишар ккудукIуз багахь духьнайи мектебар тешкил дапIну ккудукIуз федералин бюджетдиан кюмек ккун апIури, Государствойин Думайиз илтIикIнийи. ЦIурутIил гъулан мектебра дицисдарин арайиъ айи.

Страница 1 из 16

f1 in1 ok1 t1 v1 y1

Top