ГлавнаяОбразованиеТабасаран студентарихъди гюрюш

Табасаран студентарихъди гюрюш

1 1 1 1 1 1 1 1 1 1 Рейтинг 5.00 (1 Голос)

4445Декабрин 5-пи йигъан Астрахань шагьриъ Табасаран райондиан вуйи ва душваъ урхурайи студентарихъди Табасаран райондин жигьиларин центрин директор Рамис Рамазанов гюрюшмиш гъахьну. Гюрюшдин дахилнаъди Рамис Рамазановди ва «Студентарин сабвал» ччвур тувнайи регионарин арайиъ вуйи жямяаьтлугъ тешкилатдин Астрахандин региондин отделениейин председатель Анастасия Зощукди сатIиди ляхин апIбан йикьрар гъийитIну.

Серенжем ачмиш апIури, Рамис Рамазановди Табасаран райондин глава Алавудин Мирзабалаевдин терефнаан гъябгъюрайи гюрюшнахъди тебрик ва гьарсар студентдиз урхбаъ ужудар хъуркьувалар ккун гъапIну.
«Гъийин гюрюшди дахилнаъди учу учву асас вуди учвуз айи ихтиярарихъди ва вазифйирихъди таниш апIидича. Эгер ичв ихтиярарар хъадатIураш, учвухьна вуйи янашмиш`вал ужуб дарш, ва гьацдар жара дюшюшар алахьураш, ичв ихтиярар уьрхбаъ учвуз Анастасия Николаевнайира кюмек апIиди», – гъапнийи Рамис Рамазановди.
Табасаран райондин жигьиларин центрин регьбрин гафариинди, Астрахань областдиъ, ва Астрахань шагьриъ Табасаран райондиан вуйи хайлин студентари заан аьгъювалар гъадагъура. Гьаддиз му йикьрар йитIбан асас себеб гьадму вуки, душваъ урхурайи табасаран студентарин ихтиярар, дурарин маракьар уьрхюб, дурариз кюмек апIуб. Гьелелиг мурар, Рамазановди къайд гъапIганси, алдагъурайи сабпи гамар ву. Гьацира, дугъан гафариинди, йикьрар йитIбан сабсана метлеб – ихь студентари чпин гьевеслувал улупуб, жямяаьтлугъ уьмриъ, волонтерарин дестйириъ иштирак духьну, варидарихъди сатIиди ляхин апIуб ву.
Мидланра гъайри, серенжемдиъ Анастасия Зощукди уч духьнайи студентариз, дурариз айи ихтиярарикан ва дурарин вазифйирикан хъайи-хъайибси ктибтну ва студентарикан цIиб гьевеслувал ккун гъапIну.
Гюрюшдин аьхириъ Рамис Рамазановди ва Анастасия Зощукди уч духьнайи студентариз чухсагъул мялум гъапIну ва гьацира, урхурайи вахтна жюрбежюр месэлйир арайиз гъафиш, дурар шлубкьан ухди гьял апIуз гаф тувну.

Комментарии:

f1 in1 ok1 t1 v1 y1

Top