ГлавнаяОбразование«Брейн-ринг» – маракьлу тамаши

«Брейн-ринг» – маракьлу тамаши

1 1 1 1 1 1 1 1 1 1 Рейтинг 5.00 (1 Голос)

8yТабасаран райондиъ «СатIиди ужуди ву» проект кIулиз адабгъури швнуд-сад йис ву. Думу проектдин дахилнаъди жюрбежюр серенжемар гъахура. Хъа улихьна йигъари райондин администрацияйин гизаф гъуллугъар гьуркIру жигьиларин Центри райадминистрацияйин культурайин, спортдин, туризмдин ва жигьиларин политикайин отделихъди сатIиди ва Табасаран райондин военный комиссариатдин кюмекниинди РД-йин Халкьдин Собраниейин депутат Мягьямед Къурбановдин пешкешариз мектебариъ урхурайидарин арайиъ брейн-ринг тамашийиан райондин чемпионат кIули гъубхну.

Думу серенжемдиз Дербент шагьриан вуйи дилаварчи касар Анзор Къазимягьямедовдира, Ибадуллагь Шисиновдира спонсорвалин кюмек гъапIну.

Серенжем райадминистрацияйин культурайин, спортдин, туризмдин ва жигьиларин политикайин отделин начальникдин заместитель Рафик Аьлиевди ачмиш гъапIну. Дугъу серенжемдин иштиракчйир райондин глава Алавудин Мирзабалаевдин ва РД-йин Халкьдин Собраниейин депутат Мягьямед Къурбановдин терефнаан тебрик ва дурариз хъуркьувалар ккун гъапIнийи.
Фагьум артмиш апIру талитариъ райондин мектебариан 23 команда иштирак гъахьнийи, гьадму гьисабнаан саб команда юнармейцйиринуб вуйи. Гьарсаб командайиз хьур урхурайир дахил шулайи. Брейн-рингдин суалар кьюб темайиз жара дапIнайи. Сабпи пайнан суалар Дагъустандин халкьарин культурайикан, тарихдикан, аьдатарикан ва яшайишдикан вуйи. Кьюбпи пайназ уьмуми жюрейин суалар дахил шулайи.
Дупну ккундуки, командйирин арайиъ гъизгъин женг кIули гъубшнийи. Аьхириъ сабпи йишв Кюрягъ гъулан кьялан мектебдин вакилари гъадабгъуру, кьюбпи йишваз Ягъдигъарин сабпи нумрайин кьялан мектебдин ва шубубпи йишваз Хянягъ гъулан кьялан мектебдин командйир лайикь гъахьну.
Серенжем кIули гъабхурайи вахтна Табасаран райондин военный комиссарин терефнаан вуйи кьиматлу пешкешра уйнамиш гъапIнийи. Думу ЦIийи Лижва гъулан мектебдин командайи гъазанмиш гъапIнийи.
Серенжемдин аьхириъ думу тешкил гъапIдарин терефнаан пешкешнан йишвар гъадагъу командйирин иштиракчйириз кьиматлу пешкешар ва дипломар тувну.

Шиклиъ: «Брейн-рингдиъ» пешкешнан йишвар гъадагъу командйирин иштиракчйир ва командйирин кIулиъ айидар.

Комментарии:

f1 in1 ok1 t1 v1 y1

Top