ГлавнаяОбществоДагъустандин гьюкмин фикрар ва теклифар

Дагъустандин гьюкмин фикрар ва теклифар

1 1 1 1 1 1 1 1 1 1

Октябрин 23-пи йигъан «Дагъустан» РИА-йиъ «Жямяаьтлугъ гьяракатар ва гьюкум: Дагъустандиъ айи аьгьвалат ва аьлакьа уьбхбан месэлйир» темайиан пресс-конференция кIули гъубшнийи. РД-йин айтIан ляхнарин органарин ва прокуратурайин гъуллугъчйирин азад вуйи профсоюзарин председатель Мягьямед Шамилов, Табасаран райондин коррупцияйиз аькси Cоветдин председатель Мигъдад Гьяжиев, жямяаьтлугъ гюзчивалин Комиссияйин кIулиъ айи Гьясан Айгумов, лезгйирин «Садвал» тешкилатдин сопредседатель Назим Гьяжиев, Бежтайин агьалйирин Миллетдинна культурайин автономияйин кIулиъ айи Мягьямед Кебедов журналистарихъди гюрюшмиш гъахьнийи.

Аьхиримжи йисари жямяаьтлугъдин ляхник гьяракат кабхъна ва диди натижйирра хура, амма ватандаш институтарин вакиларин ляхин гьарган гьякьлуб вуди гьисаб апIурадар. Дидин гьякьнаан жямяаьтлугъ гюзчивалин Комиссияйин кIулиъ айи Гьясан Айгумовди чан фикрар ачухъ гъапIнийи. Дугъан фикриинди, жямяаьтлугъ тешкилатарин вакилариз чпин кIул’инди ляхин апIуз аьгъдрувалиан дурари гъалатIар деетуру.
«Гъирагъдиан лигурайирин тереф уьбхювал пучIу ва хатIасуз ляхин ву. Хъа арайиъ айи учIру месэлйир гьял апIуз хъюгъювал, аьгьвалат ужуб терефназди илтIибкIувал – гизаф читин ляхин ву.
Фикир апIинай, аьхиримжи йисари республикайин швнур Глава гьюдюхну? Гьамусяаьт лихурайир юкьурпир ву. Хъа оппозицияйиъ айи вакилари, нукьсанвалар агури, гьарган чпин наразиваларикан улхиди», - гъапну Гь.Айгумовди.
Дугъан гафариинди, лазим вуйиганси тянкьид апIбан ерина, ухьуз гизафси инсан биябур, дугъан ляхин батIул апIру улхбар ерхьуру. Думу ляхин шубубпи терефнаан халкьдиз «ккипган» арайиз гъюра.
«Республикайиъ айи аьгьвалатнан гъавриъ айидарин фикир гьисабназ гъадабгъуз хай шул. Аьхиримжи йисари жямяаьтлугъ институтар уягъ гъахьну. Дурариз фу ккундуш, гьадму пуз ихтияр тувна. Хъа, гьяйифки, ватандаш жямяаьтлугъдин институтарин арайиъ чпи улупуз дуфнайи инсанар ади шулу: чпин вазифйир тамам дарапIди, дурар хусуси ихтиярар уьр-хбахъ шулу. Дици дубхьну ккундар. Ухьу ихь ляхниинди вари жямяаьтлугъдиз кюмек дапIну ккунду»,- давам гъапIну Гь.Айгумовди.
Дугъу къайд гъапIганси, жямяаьтлугъдин вакилар ва гьюкмин органар чпин улихь дийигънайи месэлйир сабсдар духьну ккунивалин гъавриъ ади ккунду. Дурарин ляхин жямяаьтлугъдин ляхнар уьмриз кечирмиш апIбиина жалб апIуб лазим ву. «Ухьуз фу гьубкIрадар? Рябкъру гьялариан, тянкьидвалин гафар кIурайи касдихъди гюрюшмиш духьну, дугъахъди сюгьбат апIру майдан гьубкIрадар», - къайд гъапIну Гь.Айгумовди.
Фициб майдан гъабхьишра, шубуб вазлик саб ражну министерствйирин ва идарйирин кIулиъ айидари ва жямяаьтлугъ тешкилатарин вакилари республикайин ва дидин ватандашарин тереф уьбхбан гьякьнаан сюгьбатар гъахури, думу абцIну ккунду.
Жямяаьтлугъдин вакилар журналистарихъди гюрюшмиш хьувалин себеб - РД-йиъ айи «Справедливая Россия» политикайин партияйин ерли отделенйирин советарин яркьу собраниейин председателар ва жямяаьтлугъ азад тешкилатарин вакилар уьлкейин кIулиъ айирихьна илтIикIувал вуйи (ИлтIикIувал «Свободная трибуна» газатдиъ чап дапIна). Дидиъ Дагъустандин Главайи гъабхурайи ляхникан демократияйиз ва ватандаш’вализ хатIа айиваликан дибикIна. Уьлкейин кIулиъ айириз дибикIнайи кагъзихъ къулар гъизигдарин арайиъ Мягьямед Кебедов ва Назим Гьяжиев айи. Мягьямед Кебедовди, чав думу кагъзин мянайихъди таниш дархьиди, дидихъ къул зигувал кIул’ина гъадабгъну. Гьякьлуди кIуруш, дугъу гьамусяаьт республикайин кIулиъ айирин политикайин ва экономикайин рякъ чаз кьабулди вуйиваликан мялум гъапIнийи.
«Рамазан Аьбдулатипов РД-йин Главайин йишв’ина гъафихъан мина республикайин артмиш’валин дережа за гъабхьну», - гъапну М.Кебедовди.
«Садвал» гьяракатнан регьбер Назим Гьяжиевди чав думу кагъзихъ къул дизригуваликан гъапнийи. Назим Гьяжиевди, чахъан шли къул гъизигнуш аьгъю дапIну, кагъзин авторикан инкарвал апIувал тIалаб апIуз гьязур вуйиваликан гъапнийи.
Мягьямед Шамиловдин гафариинди, кагъзиин къул гъизигдар вари улихь гьитнайидар ву. Жямяаьтлугъдин вакилар вари гьамци кьисматнан улихь гьитна, гьаддиз дурар вари дарапIу тахсирнакк ккахьра.
Хъа Мягьямед Шамиловди ижмишнаан гъапиганси, «эгер тIалабар ашра, дурар республикайин къанун уьбхру органарихьнатIан дар», фицики дурари жямяаьтлугъ тешкилатарихъди аьлакьа уьбхюрадар, «чпин ляхнар жиниди апIура».

Комментарии:

Комментарии  

0 #3 РАМАЗАН 07.03.2015 19:39
:-)
Цитировать
0 #2 кабардино-балкарец 19.02.2015 09:33
Ихь халкьдин вакили, ахьт1арин Мигъдат Гьяжиевди пресс-конференц ияйи гафар ап1ундарун даш?
Цитировать
+2 #1 Мурад 18.11.2014 11:30
Интересная статья
Цитировать

f1 in1 ok1 t1 v1 y1

Top