ГлавнаяОбществоДепутатарин тебрикар

Депутатарин тебрикар

1 1 1 1 1 1 1 1 1 1

сефер алиевr 1

Сефер Аьлиев, РД-йин Халкьдин Собраниейин депутат
Гьюрматлу ватанагьлийир!
Магьа 2017-пи йисра тарихдиз гъубшну. Йис рягьятуб дайи, уьмрин читин месэлйирихъди абцIнайиб вуйи. Гьаму гъябгъюрайи йисан дидиз улихьна ккебгънайиб ккудубкIуз, цIийи ляхнар башламиш апIуз мумкинвал гъабхьнийи. Варидаризси учузра – халкьдин тереф уьбхюрайи депутатаризра – саб кьадар читинвалар алахьунчуз, ич ляхниъ саб кьадар хъуркьуваларра гъахьну. Хъа айи хъуркьувалариин дийигъуз хай даршул, уьмур давам шула, улихь дивнайи метлебарикан тамам дарапIдар гъузра. Учу, халкьдин месэлйир гьял апIру рякъяр агури, улубкьурайи ЦIийи йисанра зегьмет зигуз гьязур вуча. 
Улубкьурайи ЦIийи 2018-пи йис сифтена-сифте ихь республикайин агьалйириз ислягьвалинуб, саламатуб, агьалйирихьан умуд кади гележегдиз лигуз шлуб вуди ккундузуз. 
Гъит, гьаму ЦIийи йисан ихь гьарсар ватанагьлийин кIваъ айи ужудар ниятар, хиялар кIулиз удучIври, ЦIийи йис шадвалар ва бахтар хъайиб ибшри!

103 45Нариман Асваров, РД-йин Халкьдин Собраниейин депутат

Гьюрматлу ватанагьлийир, ЦIийи 2018-пи йис мубарак апIбахъди аьлакьалу мар-цци кIваан вуйи гафар кьабул апIинай!
Улубкьурайи ЦIийи йис Хуйин йисан лишниккди гъябгъиди. Ху – варитIан марцци юкIв айи, дуствал уьбхюз ккуни гьяйванат ву. Гъит, гьаму йисандин лишни ухьу алжагъуваларихьан уьрхри, вари бедбахтвалариз гучI ккапIри, кIван зиянар ужу апIри ва анжагъ хушбахтвал, сар сарин гъавриъ ахъувал ва варитIан вафалу дустар хури!
Варидариз ЦIийи йис ужуб кефиятнаъди варитIан багахьлу ва аьзиз касарин арайиъ къаршуламиш апIувал ккун апIураза.


Варидариз сагъ’вал ва ягъурлувал ккун апIураза.
Сабансана ражари ЦIийи 2018-пи йис мубарак ибшри!

57ecfce0171d4Загьирбег ТIайибов, РД-йин Халкьдин Собраниейин депутат

Гьюрматлу ватанагьлийир!
Учву улубкьурайи ЦIийи 2018-пи йисахъди тебрик апIураза! Тарихдиз гъябгъюрайи йис жюрбежюр гьядисйирихъди, дикъатлувал ва кьувват жалб апIру ляхнарихъди абцIнайиб гъабхьнийи. Ккудубшу йисан РД-йин Халкьдин Собраниейин депутатарира ихь багъри республика дурумлуди артмиш апIбан, Дагъустандиъ мектебар, бицIидарин багъар ва гьацдар жара тикилишар дивбан, РФ-дин Президентдин Майдин указариз барабар вуди, экономика артмиш, гизаф вахтназ вуйи метлебарихъ хъуркьувал тямин, республикайин агьалйирин улихь яшайишдин мажбурнамйир тамам апIуз диш дапIнайи ляхник чпин лайикьлу пай кивнийи.
ЦIийи йис ухьу, ихь уьмриъ цIийи, ужудар гьядисйир, цIийи хъуркьувалар хьиди кIури, аьхю умудар киври, къаршуламиш апIурахьа. Гъит, улубкьурайи 2018-пи йисан ихь варитIан кIваан вуйи умудар, мурад-метлебар кIулиз удучIври, гьарсаб табасаран хизандиз манишин, гъулайвал ва бахт хури, ухькан гьаруриз хъуркьувалар айи, мянфяаьтлу йис ибшри, хъа багахьлуйирин, дустарин ва гъарашугъарин кюмек хушбахтвалин ва сагъ-саламатвалин заминвал ибшри! ЦIийи йисан РФ-дин Президент ктагъбан сечкйирира ихь гьюкумат улихьна гъябгъбаз, халкьдин яшайиш артмиш апIбаз ужуб тясир апIиди кIури, умуд кивдихьа.
Учвуз ва ичв хизанариз мюгькам сагъ’вал, саламатвал ва уж’вал ккун апIураза! Гъит, гьарсаб хулаъ мясляаьтну, гьюрматну, сар-сарин гъавриъ ахъували агъавал апIри!

e826be4aaa5d1cc54497a4316f34a643Мягьямед Къурбанов, РД-йин Халкьдин Собраниейин депутат

Гьюрматлу ватанагьлийир!
ЦIийи йисахъди аьлакьалу вуди узхьан варитIан мани ва кIваантIан вуйи тебрикнан гафар кьабул апIинай.
ЦIийи йис – му календариъ улупнайи, аьдат бадали дигиш шулайи вахт дар. Думу натижйир йивру, ихь ккудубшу уьмриканна ляхнарикан, гележегдин планарикан фикир апIру вахт ву.
Аьхирихъна дуфнайи йис, ихь уьлкейизси, республика-йизси, ухьуз гьаруризра гъа-гъиб гъабхьну. Му йис гьядис-йирихъди девлетуб, ляхнин гъизгъинвалихъди абцIнайиб вуйи, диди ухьуз хайлин гюрюшар, шаду цIийивалар багъиш гъапIну, думу хайлин гъалибвалар ва хъуркьувалар айиб ва гьацира уьмриз багьалу тажруба тувруб гъабхьну.
ЦIийи йисан улихь ухьу варидари уьмурлугъдиз вуйи аьдати хиялар кIваъ уьрхюрахьа – ухьуз ккуни инсанар бахтлуди ва сагъди гъузну, хулаъ берекет ва девлет бул дубхьну, ихь веледарин хъуркьувалариинди дамагъ апIури ккундухьуз.
Гъит, ЦIийи 2018-пи йисан ихь кIваъ айи умудар тамам ишри, гьарсаб хизандиз думу ислягьвал, шадвал, хушбахтвал хуруб, хъуркьувалар ва ужудар ляхнариинди девлетлуб ибшри.
КIваантIан учвуз кIваъ айи чIуру хиялар тарихдиъ гъузувал, хъа ужудар ниятари ЦIийи йисаз рякъ абгувал ккун апIураза.
Учвуз ва ичв хизанариз ЦIийи йисан сагъ’вал шадвал ва хъуркьувалар ишри.

5c52d795e633fafe58edf5d8d33caeb2Марат Асланов, РД-йин Халкьдин Собраниейин депутат

Гьюрматлу йиз багъри халкь! Учву ЦIийи йисахъди тебрик апIураза! Ухьу гьарсар умудлу гьиссариинди ва аку хиялариинди девлетлу машквар къайд апIуз гьязур духьнахьа. Уьлке мублагъ, кIул’ин гьарган аку зав ибшри! Му йисан гьич сар ватанагьлийизра даккнишин ктрубкIри! Ихь жигьилариз уьмрин ягъурлу рякъяр ачухъ ишри! Гьарсаб хизандиъ мюгькам сагъламвали, шадвали, кIван марццивали агъавал апIри!

 

Комментарии:

f1 in1 ok1 t1 v1 y1

Top