ГлавнаяОбществоЦIийи йисахъди тебрикар

ЦIийи йисахъди тебрикар

1 1 1 1 1 1 1 1 1 1

c76b3f513511d951fee1eec807c66d62Раюдин Юсуфов, вахтназ вуди РД-йин экономикайин артмиш’валин министрин вазифйир тамам апIурайир
Гьюрматлу ватанагьлийир!
Учву улубкьурайи ЦIийи йисахъди тебрик апIураза! Гьаму аку, уьмур шад апIру машквран улихь ухьу гьарсар касди умудлувалиинди гележегдикан фикир апIурахьа.
Аьхиримжи йисарин арайиъ Дагъустандин экономика артмиш’валин улупбариан улихь гъябгъюра. Ухьу агьалйирин уьмрин ери за апIбиин, яшайишдин сабпи нубатнаъ гьял дапIну ккуни месэлйириин лихувал давам гъапIунхьа. ЦIийи мектебар, бицIидарин багъар, поликлиникйир, спортдин дараматар тикмиш апIбиин лихури гъахьунхьа.
Ктабхъурайи йис Урусатдизра, республикайизра эко-номикайин цирклин артмиш’-валиан гъагъиб гъабхьну. Амма, мидиз дилигди, ихь республикайи ужудар натижйир ва мумкинвалар улупну. Экономикайин бина ккиврайи вари цирклариъ ужуб гьяракат яратмиш гъапIну, республикайин экономикайин цирклиз цIийи инвестицйир жалб апIуз мумкинвалар гъахьну.
Гъи ухьуз Дагъустандин сурат ужуб терефназди илтIибкIуз ккунди ахьуз, амма ихь сатIи вуйи кьувватарииндитIан республика заан хъуркьувалар айи ва ужуб региондиз дюнмиш апIуз хьибдар. ВаритIан асасуб – ухьу сабвалин кьиматлувалариз, абйир-бабарин аьдатариз дикъатлу фикир тувну, тарихдин ужуб йигъанси, харжи йигъанра Урусатдихъди сабси гъубзбан кьисматназ вафалувалин тереф гирамиди дюбхну ккунду.
Гьаму улубкьурайи ЦIийи йисан ихь халкьдин гьарсаб хизандиз ислягьвал, саламатвал ва хушбахтувал ккун апIураза!

мизабалаев алавудин1 1Алавудин Мирзабалаев, «Табасаран район» МР-ин глава
Гьюрматлу ватанагьлийир! Магьа 2017-пи йисра аьхирихъна гъафну. Уьмуми гьисабназ гъадабгъиш, ухьуз думу харжиб гъабхьундар. Ухьу халкьдин мяишатдин вари цирк-лариъ саб кьадар ляхин кIули гъубхунхьа.
Уьмриъ асасуб сагъ’вал, кIван архаинвал ву. Аьхиримжи вахтна ухьук гъалабулугъвал кипрайи месэлйирин кьялаъ айиб экстремизмдихъди ва терроризмдихъди женг гъабхувал гьисаб шула. Дупну ккундуки, думу жигьатнаанра гъябгъюрайи йис Табасаран райондиз писуб дайи. Къанун уьбхру органарин, терроризмдиз къаршу комиссияйин, жямяаьтлугъдин, аьхирки, ичв варидин кюмекниинди, гьюрматлу ватанагьлийир, ухьу думу месэлайиъ тялукь хъуркьувалар гъазанмиш дапIнахьа гъапишра, хай шул.
Гъябгъюрайи йисан образованиейин ва культурайин цирклариъ хайлин ужувлан дигиш’валар арайиз гъафну. Мисалназ, Цухдигъ, Жвулли, Гисик, Гелинбатан ва Улуз гъулариъ мектебарин цIийи дараматар ишлетмиш’вализ тувунхьа, Жулжагъ гъулаъ вари жюрейин шартIар айи культурайин Хал дивунхьа. Гьадму циркларин жара тешкилатариъ ва идарйириъ рас апIбан ляхнар кIули гъухунхьа…
Гьюрматлу ватанагьлйир, учву улубкьурайи ЦIийи йисахъди тебрик апIури, учвуз ляхнариъ хъуркьувалар, жандин мюгькам сагъ’вал, уьмриъ хушбахтвал ккун апIураза. Гъит, гьарган дюн’яйиъ ислягьвал, халкьарин арайиъ мясляаьт ади ибшри!
Гъит, улубкьурайи 2018-пи йис хъана аьхю бахтар ва шадвалар хъайиб ибшри!
Мирзоев Б. CopyБейдуллагь Мирзоев, Хив райондин глава
Хив райондин гьюрматлу агьалйир! Аьзиз ватанагьлийир! Учву улубкьурайи ЦIийи йисахъди марцци кIваан тебрик апIураза!
ЦIийи йисандин машквар гьарган важиблу ву. Диди ужувлан, умунвалин, умуднан фикрар сатIи апIура. Гъит, гьарсарин умудар тамам ишри!
Улубкьурайи ЦIийи йисан гъаншариъ ухьу, ктабхъурайи йисан натижйир йивури, гьадму саб вахтна гележегдиз вуйи планарра тартиб апIурахьа. 2017-пи йисан Хив райондизра, уьлкейин гьякьикьат себеб вуди, читинваларра алалахьди дар, вушра ухьу му йис лайикьлуди къаршуламиш апIурахьа. Фицики му йис ухьуз хайлин ужудар гьядисйирихъди маракьлуб гъабхьну.
Ухьу артмиш’валин дурумлу рякъ давам апIурахьа. Му гьякьикьатдик райондин гьарсар ватандашдин лайикьлу пай ка. Жвуван Ватандин, багъри райондин, Дагъустандин, вари Урусатдин мюгькамвал бадали баркаллу зегьмет зигурайи гьарсар ватандашдиз чухса-гъул мялум апIураза. Гъазанмиш дапIнайи хъуркьувалар мюгькам апIбалан савайи, улубкьурайи ЦIийи йисан ухьу Урусатдин Президентдин артмиш'валин рякъ давам апIури, ихь ватанагьлийирин яшайиш гъулай апIбаз, жямяаьтлугъдин сабвал уьбхбаз вари кьувватар сарф апIуб лазим ву.
Гъит, 2018-пи йис ухьуз хайирлуб, заан хъуркьувалар айиб ибшри! Гьарсаб хизандиъ мюгькам сагъламвал, мясляаьт ибшри! Уьлке ислягь ибшри!

image Copy CopyЗейдуллагь Гьяшимов, Дагъустандин Огни шагьрин глава
Гьюрматлу ватанагьлийир!
Гъюрайи ЦIийи 2018-пи йисахъди учву вари тебрик апIури, учвуз ва ичв хизанариз сагъ’вал, хъуркьувалар ккун апIурза. Гъит, ичв юкIвариъ айи вари умудар тамам ишри ва гьацира улубкьурайи йисан ихь уьмриъ аку гьядисйир артухъ ишри!

Комментарии:

f1 in1 ok1 t1 v1 y1

Top