ГлавнаяОбществоЗаан пешкешарин ва грантарин сагьибар

Заан пешкешарин ва грантарин сагьибар

1 1 1 1 1 1 1 1 1 1 Рейтинг 5.00 (1 Голос)

151579yАьхиримжи йисари ихь республикайиъ ккудубшу йисан ляхниъ, урхбаъ ва ихь уьмрин жюрбежюр жара цирклариъ ужудар натижйир улупу, улихьна гъушу, хъуркьувалар гъазанмиш гъапIу касариз йисандин аьхириъ РД-йин Главайин грантар, премйир, жюрбежюр жара пешкешар туври аьдатнаъ абхъна. 2017-пи йисан дицдар хъуркьувалар улупу касарин арайиъ табасаран миллетдин вакиларра цIиб адар. Дурарикан мялуматар исихъ чап апIурача.

Хайлин йисари республикайиъ баркаллу зегьмет зигбиинди лишанлу хьпаз, лайикьлувалар улупбаз лигну, Дагъустан Республикайин гьюкуматдин пешкешар тувбан гьякьнаан Дагъустан Республикайин Главайин къарарниинди Федералин гьюкуматдин бюджетдин заан образованиейин «Дагъустандин гьюкуматдин университет» идарайин кафедрайин заведующий Аскеров Низами Садитдиновичдиз «Дагъустан Республикайин лайикьлу экономист» ччвур тувну.
Федералин государствойин бюджетдин заан образованиейин «М.М.Жамбулатовдин ччвурнахъ хъайи Дагъустандин гьюкуматдин аграрный университет» идарайин статистикайин ва анализдин кафедрайин заведующий Ханмягьямедов Сейидуллагь Гьябибуллаевич «Баркаллу зегьмет зигбаз» медаль тувбиинди лишанлу гъапIну.
Экономикайин ва финансарин цирклиъ хъуркьувалар гъадагъбаз лигну, Дагъустан Республикайин Правительствойин ва Главайин Администрацияйин Тешкилувалинна проектарин управлениейин начальникдин заместитель Уьмаров Нюсрет Мягьямедович «Баркаллу зегьмет зигбаз» медаль тувбиинди лишанлу гъапIну;
Дербент шагьрин «Кьялан уьмуми образованиейин 15-пи нумрайин мектеб» муниципалин бюджетдин идарайин 11-пи классдиъ урхурайи Аьшурбегов Замир Идрисович Дагъустан Республикайин Главайин образованиейин цирклиан сабпи дережайин премияйин сагьиб гъахьну.
Табасаран райондиан вуйи гизаф бицIидарин дада – Шихягьмедова Чусай Аьбдурафиевна хизандин институт мюгькам апIбаз ва веледариз ватанпервервалин тербия тувбиинди лайикьлу хьпаз лигну, Бабвалин орден тувувалиинди лишанлу гъапIну.
Мидланра гъайри, гъубшу йисан аьхириъ Дагъустандин Главайин грантар гъадагъу 37 касдин арайиъ ихь вакиларра а. Дагъустандин гьюкуматдин университетдин доцент Везиров Тельман Тимуровичдин «Образованиейин дакьатарин мультимедийный лаборатория» проект; Дагъустан Республикайин писателарин Союздин табасаран литературайин секцияйин кIулиъ айи Кюребегова Сувайнат Мевлютдиновнайин «Кьисматнан симар» проект ва Дагъустандин гьюкуматдин университетдин бабан чIалар аьгъю апIру Центрин директор Гьясанова Марина Аюбовнайин «Йиз Дагъустан» проект уьмрин гьяятназ кечирмиш апIуз грантар тувну.
Мидланра савайи, гьаму йисан фундаментальный ахтармишарин Урусатдин фонднан (РФФИ) грант «Дагъустандин шагьрин антропология: советарин вахт улдубчIвбан кьяляхъ Дагъустандин шагьристанарин культура ва дуланажагъ дигиш хьувализ глобализацияйи ва модернизацияйи туврайи тясир» ччвур тувнайи проектдира гъадабгъну. Грант гъадабгъдар ихь ватанагьли, тарихдин илмарин доктор, профессор Сефербегов Руслан Ибрагьимович кIулиъ ади ДГУ-йин ва РАН-дин Дагъустандин илимдин центрин тарихдин, археологияйин ва этнографияйин Институтдин гъуллугъчйирин коллектив ву.
«Табасарандин нурар» газатдин редакцияйин коллективди республикайин гьаму заан дережайин пешкешар ва грантар гъадагъу вари ихь ватанагьлийир гъазанмиш гъапIу хъуркьуваларихъди тербик апIури, дурариз чпи гъабхурайи баркаллу ляхниъ хъана заан хъуркьувалар ва улихь дивнайи планар бегьемди кIулиз адагъуз сагъ’вал ва кьувват ккун апIура.

Комментарии:

f1 in1 ok1 t1 v1 y1

Top