ГлавнаяОбществоХив Дагъустандин миллетарин сабвалин Йигъ къайд гъапIну

Хив Дагъустандин миллетарин сабвалин Йигъ къайд гъапIну

1 1 1 1 1 1 1 1 1 1 Рейтинг 5.00 (2 Голосов)

IMG 753714-пи сентябриъ Хив РКДЦ-йиъ Дагъустандин халкьарин сабвалин Йигъаз тялукь шадлугъар къайд гъапIну.

Шадлугънан мяракайиз уч духьнайидар ва вари жямяаьтлугъ му машкврахъди тебрик апIури, Хив райондин главайин заместитель Ярмет Ярметовди улупнайи машквар къайд апIбан метлеблуваликан гъапну.

-РД-йин миллетарин сабвалин машквриз тарихлу ччивар а. Дагъустандин халкьар гьарсаб девриъ чпин сабвалиинди читин дюшюшариан удучIвури гъахьну. Ухьуз гъийин наслар тербияламиш апIбаъ нумуна гъадабгъбаз хайлин лайикьлу милли игитар ахьуз. Сабвал –Дагъустандин милли утканвал ва хъуркьувалин бина вуйиб кIваълан гьархну ккундар,-къайд гъапIну дугъу.

Райондин культурайин гъуллугъчйири гьязур дапIнайи концертди серенжем маракьлуди кIули гъабхру мумкинвал тувну.

Аьлава апIурза, му машквраз тялукь серенжемар машквриз улихьна Хив райондин саки вари гъуларин библиотекйириъра кIули гъухну.

Комментарии:

f1 in1 ok1 t1 v1 y1

Top