ГлавнаяОбществоИхь яшлуйир ва дурарин йигъ

Ихь яшлуйир ва дурарин йигъ

1 1 1 1 1 1 1 1 1 1 Рейтинг 5.00 (2 Голосов)

11

Гьар йисан, вари дюн’яйиъси, Урусатдиъра сабпи октябриъ яшлуйирин Йигъ къайд апIура. Думу йигъ ООН-дин жягьтлувалиинди 1990-пи йисан тяйин гъапIну. Хъа Урусатдиъ думу йигъ 1992-пи йислан мина къайд апIура.

Вари халкьарин яшлуйирин Йигъ къайд апIбан метлеб – му аьхю яшнан агьалйирин месэлйирихьна, дурарин читинваларихьна жямяаьтлугъдин фикир жалб апIувал ву. Хъа яшлу касари, мялум вуйиганси, жямяаьтлугъдин артмиш`валиъ аьхю роль уйнамиш апIура. Ихь республикайин яшлу касар му йигъахъди РД-йин Глава Владимир Васильевдира тебрик гъапIну. Чан тебрикнаъ дугъу къайд гъапIиганси, аьхю яшназ дилигди, гизаф ветеранар Дагъустандин уьмриъ жанлуди иштирак шула. «Ихь метлеб – му яшлу касарин сагъламвал мюгькам апIувал, медицинайин ва социалин идарйирин материалинна техникайин бина ужу алапIувал, социалин тереф уьбхюрайи коммерцияйин дару ва жумартвалин тешкилатар яшлу инсанарин месэлйириина жалб апIувал вуйихь», – къайд гъапну Владимир Васильевди.

Гьамусяаьт Табасаран райондиъ чпин яш 60 йистIан артухъ вуйи агьалйирин кьадар 6 агъзуртIан зина ву, хъа Урусатдиъ, 2018-пи йисан сабпи январиз вуйи улупбариинди, 30 миллионтIан артухъ.

Гьаму шиклиъ учвуз Табасаран райондин жюрбежюр гъулариан вуйи яшлуйирин саб десте рябкъюра-чвуз. Дурар Хючна, ТIюрягъ, Имшнигъ, НичIрас, ГьепIил, Кувагъ, ЧIвурдаф ва жара гъулариан ву. Чпин азад вахт гьапIуз, чиб-чпихъди рафтар тешкил апIуз, чпин жюрбежюр месэлйир гьял апIуз дурар кми-кмиди райцентрин паркдиз уч шулу. Яшариз дилигди, дурар чпин гъуларин, гьацира райондин жямяаьтлугъ уьмриъ жанлуди иштирак шула.

Къайд дапIну ккундуки, «Табасарандин нурар» газатдиз подписка апIурайидарин арайиъ яшлу касари аьхю йишв бисура. Дурари багъри газат аьхю аьшкьниинди урхури шулу.

Комментарии:

f1 in1 ok1 t1 v1 y1

Top