ГлавнаяОбществоХалкьар ва динар сатIи апIури

Халкьар ва динар сатIи апIури

1 1 1 1 1 1 1 1 1 1 Рейтинг 5.00 (1 Голос)

852

Аьхиримжи вахтна наанди гъилигишра, наанди гъушишра, гьаммишан улариз рякъюрайидар, ибариз ерхьурайидар жюрбежюр проектар уьмриз кечирмиш апIбакан мялуматар ву. 

2012-пи йисан 19-пи декабриъ Урусатдин Президент Владимир Путиндин Указдиинди тасдикь гъапIу «Урусатдин Федерацияйин гьюкуматдин 2025-пи йисазкьан вуйи милли политикайин стратегия» проект, Урусатдин сабвал мюгькам апIури, уьлкейиъ уьмриз кечирмиш апIура. Думу проектдин асас метлеб – Урусатдиъ айи халкьарин милли культурайин хусусивал уьбхювал ву.

Проект, Кафари Кавказдин (СКФО) регионарин мектебариъ урхурайидар чиб-чпихъди сатIиди ляхин апIбиина жалб дапIну, СКФО-йиъ халкьарин арайиъ ислягьвал, разивал, диндинна эдебнан культура артмиш апIбаз кIури, уьмриз кечирмиш апIурайиб ву.

Гьаму проектдин дахилнаъди, дидин айитI айи бицIи жара проектси, гъябгъюрайи йисан ихь ватанагьли, Дербентдиъ айи Пятигорскдин гьюкуматдин университетдин филиалиъ урус ва харижи чIаларин кафедрайин доцент, филологияйин илмарин кандидат Марат Ибрагьимовди «Мектебдин аьхю гергми уьл – 2018» кIуру, жигьилариз образование тувру проект уьмриз кечирмиш апIура.

Асас вуди му проектдин дахилнаъди Дагъустандинна СКФО-йин жара регионарин мектебариъ урхурайидари видеойин кюмекниинди чиб-чпихъди сатIиди дарсар, конференцйир гъахура.

«Магьа улихьнаси узу лихурайи университетдиан Дербент шагьрин 15-пи нумрайин мектебдин ва Карачаево-Черкессия Республикайин Учкекен гъулан мектебдиъ урхурайидарин арайиъ телемост кIули гъубхунча. Къайд апIуз ккундузузки, учу уьмриз кечириш апIурайи «Мектебдин аьхю гергми уьл» проект «Вари халкьарин ислам диндин вазифа» тешкилатдин разивалиинди гъабхурайиб ву.

Проект уьмриз кечирмиш апIували мектебариъ урхурайидар сар-сарихъди таниш хьуз, халкьарин ва динарин арайиъ айи ухшарваларикан ва тафавутлуваларикан аьгъю апIуз мумкинвал тувра.

Мисалназ, Дербент шагьрин мектебар шубуб дин хъапIрударин бицIидар урхурайи (ислам, хачперезвал ва иудаизм) мектебар ву. Саб класс гъадабгъиш, думу классдиъ 8-тIан артухъ миллетарин бицIидари урхура, ва дурари сар-сарихъди дуствалин аьлакь-йирра уьрхюра.
Учу гъахурайи гьамциб жюрейин серенжемариъ гьаммишан муфтиятдин, шагьрин администрацияйин илим рабгъру отделин вакиларра иштирак шула», – гъапнийи проектдин кIулиъ айи Марат Ибрагьимовди.

Комментарии:

f1 in1 ok1 t1 v1 y1

Top