ГлавнаяОбщество«Наънан гъиву гюллера дадайин кIвак кубкIру»

«Наънан гъиву гюллера дадайин кIвак кубкIру»

1 1 1 1 1 1 1 1 1 1

2018 10 31 145206

Табасаран райондин делегация Дагъустандин дишагьлийирин Союздин 25 йис тамам хьувализ бахш дапIнайи серенжемариъ иштирак гъабхьну.

26-пи октябриъ Мягьячгъалайиъ М.Горькийин ччвурнахъ хъайи Урус драмайин театриъ Дагъустандин дишагьлийрин Союздин 25 йисандин юбилей къайд гъапIну. Шадлугънан серенжемдиз Азербайжандиан, Казахстандиан, Москвайиан ва Ставрополин крайиан, гьацира республикайин районариан ва шагьрариан делегацйир дуфнайи.

Серенжем РД-йин Правительствойин вице-прьемьер Анатолий Карибовди ачмиш гъапIнийи. Дугъу къайд гъапIганси, гъийин гьяракатниинди артмиш шулайи дюн’яйиъ дишагьлийи уьмрин вари цирклариъ чан хъуркьувалар улупура, халкьарин арайиъ ислягьвал мюгькам апIбакра лайикьлу пай кивра. Республикайин заан гъуллугъариъ гьамусра цIиб дишагьлийир лихурадар: вице-премьерар, шубур министр, депутатар, судйир, федералин гьюкмин аьтрафарин органарин кIулиъ айидар, муниципалитетарин кIулиъ айидарин заместителар. УдучIвну улхбан кьяляхъ А.Карибовди му жямяаьтлугъ тешкилатдин ужударсдар вакилариз Гьюрматнан грамотйир, медалар тувнийи.

Серенжемдиъ удучIвну гъулхдари республикайиз читин вахтна Дагъустандин дишагьлийири улупу гьунарарикан ктибтнийи.

«Дагъустандин дишагьлийирин Союз» тешкилатдин республикайин вари муниципалитетариъ филиалар ачмиш дапIна. Тешкилатдин дахилнаъ аьлимар, шаирар, писателар, культурайин ва искусствойин деятелар а. Дурари, жямяаьтлугъдин арайиъ рягьимлувалин ва яшайишдин жара проектар уьмриз кечирмиш апIури, ужуб ляхин гъабхура.

Аьхиримжи кьюд йисан Союздин кIулиъ Интизар Мамутаева а. Дугъу чан удучIвну улхбаъ Дагъустандин дишагьлийирин Союзди апIурайи ляхникан, читин гьялнаъ ахъу дишагьлийириз туврайи кюмекнакан гъапнийи.

«Наънан гъиву гюллера дадайин кIвак кубкIру» кIуру Фазу Гьямзатовнайин гафар лап гьякьлудар ву. Гьаддиз ухьу, дишагьлийири, вари жюрейин дявйир ярхла апIбиин зегьмет дизигну ккунду», – къайд гъапIнийи И.Мамутаевайи.

Серенжемдиъ Табасаран райондин дишагьлийирин Союздин председатель Айханум Рашидовайизра Гьюрматнан грамота тувнийи. Учу, Айханум Рашидова грамота тувбахъди тебрик апIури, дугъаз ихь дишагьлийирин читин месэлйир гьял апIбан ляхниъ хъана заан хъуркьувалар ккун апIурача.

Комментарии:

f1 in1 ok1 t1 v1 y1

Top