ГлавнаяОбществоВатан ккуни инсан

Ватан ккуни инсан

1 1 1 1 1 1 1 1 1 1

10

2018-пи йисан октябрин 31-пи йигъан Дагъустан Республикайин Глава Владимир Васильевди адабгъу Указдиинди ихь ватанагьли, РД-йин Главайин багахь хьайи агьли касарин Советдин член, «Гьяжиевдин ччвурнахъ хъайи завод» АО-йин генеральный директорин теклифчи Мягьямед ТIагьирович Юнусов, гизаф йисари баркаллу зегьметнаъ гъадагъу хъуркьувалариз лигну, Дагъустан Республикайин «Багъри жилихьна вуйи ккунивализ» гьюрматнан заан лишан тувбиинди пешкешлу гъапIну.

М.ТI.Юнусовди чан зегьметнан рякъ Табасаран райондин Кюрягъ гъулаъ ветучастокдиъ маларин духтурвал апIури ккебгъну.

1965-пи йисан Мягьямед ТIагьирович Табасаран ВЛКСМ-дин РК-йин сарпи секретарди ктагъну. Дугъу ляхнин вахт кабинетдиъ дусну адапIундар: мектебариъ, мяишатариъ жигьиларихъди гюрюшмиш шули, хъуркьувалар гъадагъну.

1985-пи йисан М.ТI.Юнусов Табасарандин КПСС-дин РК-йин сарпи секретарди ктагъну. Райондин кIулиъ айи йисари дугъу рякъяр къайдайиз хувализ асас фикир туври гъахьну. Саб гафниинди, му касди чан уьмур бицIи ватандин артмиш’вализ бахш гъапIну. М.ТI.Юнусовдиз Гьюрматнан орден, медалар, гьюрматнан грамотйир гизаф а.

«Табасарандин нурар» газатдин редакцияйин коллективди ихь ватанагьли, дугъриданра, ихь халкьдихъан, багъри ругарихъан юкIв убгури зегьмет зигурайи кас, газатдин аьхю юлдаш ва гьюрматлу ватандаш Мягьямед ТIагьировичдиз, думу заан пешкешнахъди лишанлу апIувалихъди кIваантIан тебрик апIури, мюгькам сагъ’вал ва ярхи уьмур ккун апIура.

Комментарии:

f1 in1 ok1 t1 v1 y1

Top