ГлавнаяОбществоАьжал адру «аьжал»

Аьжал адру «аьжал»

1 1 1 1 1 1 1 1 1 1 Рейтинг 5.00 (1 Голос)

наркотики

РД-йин сагъламвал уьбхбан Министерствойин кIулин нарколог Мягьямед Гьяйдаровди ич сюгьбатнаъ къайд гъапIганси, республикайиъ наркомания тарабгъбан улихьишв бисбаъ дагъустандин халкьариз хас вуйи хасиятну, диндин политикайин цирклиъ, урхбан идарйириъ гъабхурайи профилактикайин ляхни важиблу роль уйнамиш апIура.

«Гъийин йигъан респуб-ликайиъ наркотикар ишлетмиш апIурайи 6 агъзурихьна агьалйир гьисабназ гъадагъна. Дурарикан 3,8 агъзур кас наркотикарин асиллувалиъ айидар ву, хъа зиихъ къайд дапIнайи наркоманарикан 1,6 агъзур кас лапра гъагъи гьялнаъ айидарси гьисаб шула. Ихь респуб-ликайиъ сагъ апIувал жвуван хушниинди, яна саринра гуж апIувал адарди гъабхурайи гьяракат вуйивализ лигну, му улупбар 10 ражари артухъ гьисаб гъапIишра, ухьу гъалатI хьидар», – къайд гъапIнийи Мягьямед Гьяйдаровди.

Дагъустандиъ медицинайин сагъ апIбан шубуб дережайин кюмек тувбан гъурулуш гьяракатнаъ а. Наркологияйин уьзрар вари халкьарин стандартарин къайдайиинди сагъ апIуру. Сад йисандин арайиъ стационариз сагъ’вал къайдайиз хуз кьялан гьисабариинди 1,5 агъзур наркоман илтIикIура.

Мялум вуйиганси, наркомания жямяаьтлугъдин арайиъ гьялакди тарабгъуру. Наркоманарин жергйириъ, яшайишдин аьгьвалатназ, диндин къаршувализ дилигди, фунуб яшнан вушра инсанар алахьуру. Асас вуди наркотик кайи сурсатар жигьилари ишлетмиш апIура. Гьаддиз жямяаьтлугъди, му гъалабулугъвалин месэла гьял апIбан бадали, вари кьувватар сарф дапIну, дидихъди вуйи женг мянфяаьтлуди гъабхру рякъяр дагну ккунду.

Комментарии:

f1 in1 ok1 t1 v1 y1

Top