ГлавнаяОбществоВеледарикан «яшайишдин йитимар» мапIанай!

Веледарикан «яшайишдин йитимар» мапIанай!

1 1 1 1 1 1 1 1 1 1 Рейтинг 5.00 (1 Голос)

no translate detected 13339 202176Уьлкейин гьякьикьатдиз фикир тувиган, фагьмиъ жюрбежюр хиялар гьюжатнаъ учIвра. Гъийин девриъ, лигру гьялариан бахтавар хизанариъра кмиди, саб жюрейинра игьтияж адарди аьхю ва тербияламиш шулайи бицIидарикан гьаз «яшайишдин йитимар» шула? Абйир-бабари дурар варибдихъди тямин апIура, вушра саб жерге дюшюшари субут апIурайиси, дурар саб фтиз-вуш кьитвал гьисс апIурайидарси рякъюра.

Гъийин деврин насларин гележегдикан улхури, Хив райондин пишекарвалин ва уьмрин заан тажруба айи сар мялимди баяр-шубариз «яшайишдин йитимар» гъапиган, сифте узу мюгьталра, ажугълура гъахьнийза. Хъа кьяляхъна, йиз мюгьталвал гъябкъиган, дугъу узу гъаврикк ккаънийи: «Ухьу гъазанжарин гъаразнаъ ахьа. БицIириз хизандин манишин чарасуз лазим ву».

– Вари терефариан гъулайвалар айи, фунуб жюрейинра шартIар яратмиш апIбаз мумкинвал айи гъийин девриъ инсанариз, гьяйифки, гъазанжартIан маракьлу дар. Фикир тувай, жямяаьтлугъ гьюжатнаъ а. Гьарсари чан велед гъуншдинуртIан артухъди тяминвалиъ уьрхбаз чарйир агура. Сарихь, мисалназ, аьхиримжи моделин телефон гъябкъиш, абйир-бабари чануризра гьациб масу гъадабгъуз мумкинвалар агура. Гъадабгъурира а. «Йизурихь гьаз шулдар? Думу чахъди урхурайидартIан асккан дарки!» Узу мектебдиъ саки гьар йигъан тялукь дюшюшарин шагьид шулаза. Амма, гьадму саб вахтна, гьяйифки, чпин веледарин аьгъюваларин ерийин дережа фициб вуш гъаразнаъ айидар лап кьитдитIан имдар.

Баяр-шубар ХХI аьсриъ агъавал апIурайи социалин сетарин йисирар духьна. Дурари чпин ниятар, фикрар абйир-бабаризкьан ачухъ апIурадар. Смартфонари ва планшетари, компьютерари абйир-бабарин манишин эвез дапIна. Йигълан-йигъаз бицIидарин абйир-бабарихьна вуйи тIалабарра яркьу шула. Чан гьарсаб назвал тамам апIбахъди сабси, дугъан улариан хизандиъ дамагъ апIуз шлу игитар кам шула. Гьамци ухьу жвуван хизандиъ «яша-йишдин йитимар» гьязур апIурахьа, – гъапну Камаллудин мялимди.
Месэла арайиз гъюбан рякъярикан…

– Аьсрариинди инсаниятди швнуб-саб насил тербияламиш дапIна. Гъийин хайлин яшлу наслар чпин вахтна саки бицIиди имиди, чпин веледар аьхю бабан, тербиячйирин ихтиярнаъ гъитну, гьюкуматдин артмиш’валин гъаразнаъ ади гъахьну. Гъи дишагьлийириз гьюкуматди 1,5 ясана 3 йис хьайизкьан веледдин гъайгъушнаъ хьуз мумкинвал тувна. Вушра… Гъи дишагьли жили-жвувахъди сабси хизандин гъазанжарин гъайгъушнаъ а. Гьаци, хизандин багьалу аьдатарра дургуз хъюгъну. Веледдиз дадайин манишин чарасуз лазим ву, – аьлава гъапIну дугъу.

Комментарии:

f1 in1 ok1 t1 v1 y1

Top