ГлавнаяОбществоГьюрматнан аллея кивну

Гьюрматнан аллея кивну

1 1 1 1 1 1 1 1 1 1 Рейтинг 5.00 (1 Голос)

222

Ноябрин 8-пи йигъан Мягьячгъала шагьриъ газатаринна журналарин комплексдин гъвалахъ чпин гъуллугънан вазифйир тамам апIури гъийиху журналистариз ядигар дивбахъди аьлакьалу серенжем кIули гъубшну.

Серенжемдиъ удучIвну гъулху РД-йин журналистарин Союздин председатель Аьли Камаловди, РФ-дин журналистарин Союздин багахь хьайи СМИ-йин милли месэлйирин центрин президент Сулиета Кусовайи ва Москвайиан дуфнайи жара хялари журналистар гьарган варитIан гъизгъин йишвариъ шлуваликан, хъа Дагъустан гъизгъин йишвар айи саб регион вуйиваликан, мушваъ хайлин журналистари, гъуллугънан вазифйир тамам апIури, чпин жан дивуваликан, гъи дурар ухьухъди хътруваликан, журналистар йихувалихъди гъуху силисар аьхирихъна дуфну адруваликан гъапнийи.

Дурари гьарсар гъакIи журналист жа-жаради кIваин апIури, дурарин уьмрикан, ляхнарикан ктибтну. Чан улхбаъ Аьли Камаловди къайд гъапIганси, аьхиримжи 15 йисан Дагъустан Республикайиъ 19 журналист гъийихну, хъа вари Урусатдиъ му вахтнан мудатнаъ 300 дихьна журналистар гъийихну.

Аьли Камаловди издательствойин гъвалахъ гьарар айи аллеяйиъ йивну гъакIи журналистариз 16 метр али ядигар дивбанди вуйиваликан мялумат тувну.

Уч духьнайидари йивну гъийиху гьарсар журналистдин ччвурнахъ аллеяйиъ уршин гьарин гъелемар кивнийи.

Комментарии:

f1 in1 ok1 t1 v1 y1

Top