ГлавнаяОбществоПашманвалин гьядиса кIваин апIури

Пашманвалин гьядиса кIваин апIури

1 1 1 1 1 1 1 1 1 1 Рейтинг 5.00 (1 Голос)

магнитогорск

ЦIийи йис улубкьувалихъди аьлакьалу машкврар улдучIвну. Инсанари, багахьлуйир, хялар кьабул апIури, чпи машкврар мубарак апIуз гъягъюри, ужуди вахт адапIну. Магьа ляхниз гъягъру, мектебариъ тятIиларин кьяляхъ дарсар ккергъру вахтра улубкьну. Рягьятвал гъадабгъурайи йигъари дюн’яйиъ гъахьи гьядисйирикан мялуматар адарди гъуздарра гъахьнушул. Гьаму йигъари гъабхьи варитIан пашман гьядисайикан кIваин апIурхьа.

2018-пи йисан 31-пи декабриъ гвачIнин ухди Магнитогорск шагьриъ Карл Марксдин ччвурнахъ хъайи кючейиъ 10 мертебайин аьхю хулариъ тIубкIувалин дюшюш гъабхьну – шубубпи мертебайилан 10-пи мертебайизкьан 48 квартира даргъну ахьну. Силисар гъухдарин улупбариинди, бедбахтвалин дюшюш арайиз гъюбан себеб – хулариъ газ тIубкIувалихъди аьлакьалу ву.

2019-пи йисан хьубпи январиз Магнитогорскдиъ дарагънайи хулариккан гъийихдарин 39 майит ккадагъну, дурарикан 3 майит бицIидарин ву. МЧС-ди дюбгъну дачабхьнайи бетондин кIанаккра инсанар агбан ляхнар ккудукIнийи.

Январин садпи йигъан дарагънайи хуларин гъюрдариккан чIивиди имбу 11 вазлин бицIир ккадагъну. Кюмек апIурайидариз ишурайи бицIирин сес гъеебхьну. Магнитогорскдиъ йишвну 28 градус аьхълушин айи. Му бедбахтвалин гьядисайиъ бицIир чIивиди гъузувал аьламатнан ляхин гъабхьну, чан дахъру йишв’ин маниди леъфикк ккайивали бицIир гъюрхну. Гъагъи гьялнаъ айи бицIир дишлади самолетдиъди Москвайиз бицIидарин хирургияйин ва травматологияйин НИИ-йиз гъухну.

Челябинскдин областдиъ январин 2-пи йигъ пашманвалин йигъси мялум гъапIнийи. Ерли агьалйири саб суал тувра – саб квартирайиъ газ гъутIубкIну дупну, вари подъезд гьапIуз абхъну?

Силисчйири, му дюшюшдин гьякьнаан уголовный дело гъитIибккну, квартирйириъ газдин авадлугъар фунуб фирмайи дивнуш, хулар тикмиш апIруган, фицдар гъалатIар деетнуш, ахтармишар гъахура.

Комментарии:

f1 in1 ok1 t1 v1 y1

Top