ГлавнаяОбществоРягьимлувал инсанвалин хатI ву

Рягьимлувал инсанвалин хатI ву

1 1 1 1 1 1 1 1 1 1 Рейтинг 4.50 (1 Голос)

Уьмур гьациб мутму вуки, гъийиан закуриз фу шулуш, саризра мялум дар. Ягъурлу гьядисара, пашман дюшюшарра хьуз мумкин ву. Хъа бедбахтвалра сабна сабди гъюри шулдар, кIури шулу.

Табасаран райондин Дагъни гъул’ан вуйи Мирзабеговарин хизан аьхю буржарикк ккабхъну. Хизандин кIулиъ айир, хажалатнаан юкIв иццру дубхьну, кечмиш гъахьну. Пенсия гъадабгъурайи дадайиз буржар ктирчуз кюмек апIбан бадали, дугъан баяр Рамазан ва Исмич Волгоград шагьриз лихуз гъушнийи.

ЦIиб вахтналан тикилишчивалин ляхнар апIурайи Исмич 5 мертебайин хуларилан ахърайи вахтна, дугъхъан Рамазан хъчIихуру. Амма дугъхьан ахърайир дерккуз дархьиди, учвра гьадгъахъди ахъру. Исмич дишлади гъакIну, хъа Рамазан гьялсузди, ришвуз даршули Волгограддиъ больницайиъ ади шубуб ваз вуйи. Дугъаз хъайивал апIури больницайиъ чира айи. Рамазан Мирзабеговдин дада ва чи, чпихьна шлу кюмек апIувал ккун апIури, кIваъ рягьим айи вари инсанарихьна илтIикIну.

Социалин сетариъ ипу видеойин илтIикIували чан ляхин гъапIну. Сад йишван ва йигъан Сбербанкдин картайиина лазим вуйи кьадар пул уч апIуз гъабхьну. Хябяхъдин сяаьт миржибдиъ «Инсан» фонднан Табасаран райондиъ айи отделениейи пул уч апIувал хъябкьну.

Табасаран райондин динагьлийирин улихь хьайи Ансар Рамазановди, райондиъ айи «Инсан» рягьимлувалин фонднан вакил Несредин Гьяжиибрагьимовди ва гъуларин имамари, Мирзабеговарин хулаз душну, мавлид гъурхьну, Аллагьу Тяаьлайикан Рамазназ сагъ’вал ккун гъапIну, хизандиз кюмек вуди Мерзият Мирзабеговайихьна 500 агъзур манат тувну.

Бедбахтвалиъ айи хизандиз шейх Исамудин Эфендийи, чан ва райондин имамарин терефнаан 100 агъзур манат Рамазан-гьяжи Пирмягьямедовдира кюмек вуди тувну.

Дилаварчи касар Айваз Рамазановди ва Анзор Къазимягьямедовди чпин терефнаанра Мирзабеговарин хизандиз пулиинди, хъа «Умуд» рягьимлувалин фондна вакилари итIру сурсатариинди кюмек гъапIну.

РД-йин НС-дин депутат Мягьямед Къурбановди, Рамазан реанимацияйиан удучIвиган, думу райондиз хуз кюмек апIувал чаина гъадабгъну.

Мирзабеговарин хизанди чпи кьаза-балайиъ сарди гъидриту вари касариз аьхю чухсагъул мялум гъапIну.

Комментарии:

f1 in1 ok1 t1 v1 y1

Top