ГлавнаяПолитикаВладимир Васильевди Дагъустандин Главайин вазифйир тамам апIиди

Владимир Васильевди Дагъустандин Главайин вазифйир тамам апIиди

1 1 1 1 1 1 1 1 1 1 Рейтинг 5.00 (1 Голос)

васильевОктябрин 3-пи йигъан Урусатдин Федерацияйин Президент Владимир Васильевдихъди гюрюшмиш гъахьну ва дугъаз учв Дагъустан Республикайин Главади тяйин апIбан гьякьнаан чан къарарнакан мялум гъапIну, хабар тувра РД-йин Главайин ва Правительствойин пресс-гъуллугънаан.

Владимир Васильев тебрик апIури, В. Путинди дугъаз гъапну: «Увуз аьгъюганси, Дагъустандикан улхруган, му кIулди вари ихь гьюкуматдиъ, гьеле Кавказдикан дарпишра, важиблу регионарикан саб вуйиб ихь фикриъ ади шулихь. Му республика гизаф уччвуб ву, дидин уччвувал анжагъ саб табиаьтдиинди дар, хъа сабпи нубатнаъ душваъ яшамиш шулайи инсанариинди ву.

Душваъ гъи гизаф ляхнар кIули гъахура, бязи уж’валнан дигиш’валарра шула, амма читин месэлйирин кьадар, гьяйифки, гьелелиг лап аьхюб ву. 

Узуз республикайин кIулиъ федералин гъуллугънаъ ляхин апIбан тажруба айи кас дийигънайиш, гизаф ккундийзуз. Узу увкан республикайин руководителин вазифйир гъюру йисан сентябрин вазлизкьан тамам апIувал ккун апIураза, хъа гьаддихъан тина гизафуб увкан ва гьаму саки сад йисандин арайиъ фу шулуш, гьаддикан асиллу хьибди. Гьаз гъапиш аьхиримжи натижа йивбан къарар адабгърудар Дагъустандин халкьдин вакилар хьиди, хъа Дагъустан гизаф миллетар яшамиш шулайи республика ву».
Сюгьбат гъябгъюрайи вахтна Владимир Путинди Владимир Васильевдин айтIан ляхнарин Министерствойиъ ва Государствойин Думайиъ ляхин апIбан зурба тажрубара къайд гъапIну: «Гьаму йисари уву, шартIсуз, гьацир кас гъахьунваки, дурариз ухьухь политикайин аьхю гъагъ айи касар кIури шулу. Уву федералин мяна айи, федералин дережайин политик вува. Ва, йиз фикриинди, гъи республикайиз гьацир кас лазим ву».
Владимир Васильевди чан жавабнаъ Президентдин теклиф чаз апIурайи зурба гьюрмат вуйивал къайд гъапIну: «Гьюрмат ву гьам теклифра, ва гьамсана думу увхьан гъадабгъувалра. Му месэла рягьтиб даруваликан узу фикир апIураза, амма уву гьяйифвалар дизригбан бадали, узхьан шлуб вари апIурза. ВаритIан асасуб – уьмур ужу шлуб ва думу ужу дапIну ккуниб инсанарира гьисс апIувал ву.
Му ляхин узу лап кIваантIан, жавабдарвалиинди, икибаштIан, инсанариин, ерли кадрйириин асасламиш духьну, тамам апIуз чалишмиш хьидиза. Фила-вуш, читин вахтари, узу душваъ ляхин апIури гъахьунза. Эгер уву, хъасин Дагъустандин халкьди узуз мициб ихтибарвал дапIнаш, икибаштIан, йиз вазифа дугъривалиинди тамам апIурза, гизаф дамагълу, гизаф азадвал ккуни, бажаранлу гизаф миллетар айи Дагъустандин халкьдиин асасламиш духьну».
Гюрюшдин аьхириъ Урусатдин Президентди Васильевдиз хъуркьувалар ккун гъапIну.

Комментарии:

f1 in1 ok1 t1 v1 y1

Top