ГлавнаяПолитикаВажиблу гюрюш

Важиблу гюрюш

1 1 1 1 1 1 1 1 1 1 Рейтинг 5.00 (1 Голос)

васXLОктябрин 10-пи йигъан Урусатдин Кафари Кавказдин ляхнариз лигру Министерствойиъ вахтназ вуди РД-йин Главайин вазифйир тамам апIурайи Владимир Васильевдинна РФ-йин Кафари Кавказдин ляхнариз лигру министр Лев Кузнецовдин гюрюш кIули гъубшну, мялум апIура РД-йин Главайин ва Правительствойин Администрацияйин пресс-гъуллугънаан.

Гюрюшдиъ РФ-йин министрин заместитель Одес Байсултановра ва РФ-йин финансарин Министерствойин вакил Лариса Ерошкинара иштирак гъахьну.
Гюрюшдин иштиракчйири Урусатдин Федерацияйин «Кафари Кавказдин федералин округдин артмиш’вал» гьюкуматдин программайин «2016-2025-пи йисари Дагъустан Республика яшайишдинна экономикайин терефнаан артмиш апIувал» подпрограммайин сяргьятариъди регион 2025-пи йисазкьан артмиш апIбан месэлйир гьял гъапIну.
Республикайин улихь ди-йибгънайи ва сабпи нубатнаъди гьял дапIну ккуни месэласи уьму-ми образованиейин идарйириъ аьгъювалар тувбан 3-пи смена терг апIувал къайд гъапIнийи.
Республика артмиш апIбан гъийин йигъаз ярамиш вуйи месэлйириз лигруган, асас фикир Урусатдин Кафари Кавказдин ляхнариз лигру Министерствойин метлеблу проектдиз – Каспийин транспортдинна логистикайин проект тикмиш апIувал уьмриз кечирмиш апIувалин гьяракатназ тувнийи. Одес Байсултановди Дагъустандин ва кIулди вари Кафари Кавказдиз яшайишдина экономика артмиш апIбаъ му проектдин аьхю эгьемиятлувал айиваликан гъапну.
Министрин сарпи заместители къайд гъапIганси, цIийи, гъийин деврин тIалабариз жаваб тувру гьюлин порт тикмиш апIували Урусатдин Федерацияйинна Каспийин гьюлихъ ерлешмиш духьнайи ва Персидский заливдин уьлкйирин арайиъ вуйи ариш-веришдинна экономикайин аьлакьйир цIийи дережайиз адагъиди.

Комментарии:

f1 in1 ok1 t1 v1 y1

Top