ГлавнаяПолитикаСабпи нубатнаъ – халкьдин маракьар

Сабпи нубатнаъ – халкьдин маракьар

1 1 1 1 1 1 1 1 1 1 Рейтинг 5.00 (1 Голос)

9 24 CopyНоябрин 28-пи йигъан вахтназ вуди РД-йин жигьиларин ляхнариз лигру министрин вазифйир тамам апIурайи, РД-йин Халкьдин Собраниейин «Саб вуйи Урусат» фракция-йин депутат вуйи Мягьямед Къурбановди учв министрин гъуллугънаан алдаувал ккун апIурайи заявление гъибикIну. 

КIваин апIуз ккундучуз, Мягьямед Къурбанов му гъуллугъниина гъябгъюрайи йисан сентябрин аьхирариъ тяйин гъапIнийи.
Му месэлайин гьякьнаан мяна баян апIуб ккун апIури, учу Мягьямед Къурбановдихьна илтIикIунча.

Дугъу му меселайин гьякьнаан гьамци гъапнийи: «Узу вахтназ вуди РД-йин жигьиларин ляхнариз лигру министрди тяйин апIру вахтна, думу министерствойин улихь гъагъи месэлйир дийигънайи. Дурар Вари дюн’яйин жигьиларин фестиваль кIули гъабхбахъди, региондин жигьиларихъди аьлакьалу программйирихъди, гъюрайи йисандин бюджетдин месэлйир гьял апIбахъди, РД-йин жигьиларин ляхнариз лигру министерствойин гъюру йисаз вуйи программа тартиб апIбахъди, РД-йин жигьиларин ляхнариз лигру Министерствойин ляхин къайдайиз хпахъди аьлакьалу вуйи. Му ляхнар, жигьиларин министерствойин вари вакилар сатIи духьну, кIулиз адагъунча. Узу думу гъуллугъниина тяйин апIруган, анжагъ вахтназ вуди министр хьуз разивал тувнийза. Фицики узу ихь Табасаран райондиан РД-йин Халкьдин Собраниейин депутатра вуза. Хъа гьюкмин кIулиъ айи вакилариз къанун тяйин апIбан органарин анжагъ саб гъуллугънаътIан лихуз ихтияр адар. Узу депутатди ктагъу багърин, халкьдин маракьар, дурари уз’ина дапIнайи ихтибарвал министрин гъуллугътIан зина вузуз. Узу юкьуд йисансана депутатди лихидиза. Йиз улихь узу ихь халкьдиз гьял апIуз гаф тувнайи месэлйир дийигъна. Хъа йиз халкьдин учIру месэла гьял апIувал – варитIан заан метлебси гьисаб апIураза», – къайд гъапIну Мягьямед Къурбановди.

Комментарии:

f1 in1 ok1 t1 v1 y1

Top