ГлавнаяПолитика«Йиз Дагъустан» конкурсдин натижйир гъивну

«Йиз Дагъустан» конкурсдин натижйир гъивну

1 1 1 1 1 1 1 1 1 1 Рейтинг 5.00 (1 Голос)

2a7c91f43a43f88aa402cdb2a30dc663 XLАвгустдин 28-30-пи йигъари «Джами» гостиницайин комплексдиъ идара апIру гъуллугъчйир гъядягъбан «Йиз Дагъустан» конкурсдин финалин этапар кIули гъушну.

Серенжем ачмиш апIру садпи йигъан дидин ляхниъ РФ-йин Президентдин Администрацияйин кIулиъ айирин сарпи заместитель Сергей Кириенко, РФ-йин Президентдин СКФО-йиъ вари ихтиярар айи вакил Александр Матовников, РФ-йин ЖКХ-йин ва тикилишчивалин министр Владимир Якушев вахтназ вуди Дагъустандин Главайин вазифйир тамам апIурайи Владимир Васильев, РД-йин Халкьдин Собраниейин спикер Хизри Шихсяидов, РД-йин Правительствойин Председатель Артем Здунов, РФ-йин энергетикайин министрин заместитель, «Урусатдин лидерар» конкурсдин гъалибчи Павел Сорокин иштирак гъахьну.

«Йиз Дагъустан» конкурсдикан видеороликдиз лигбан кьяляхъ, гьюрматлу хялар ва республикайин кIулиъ айидар финалистарихьна илтIикIну.
КIваин апIуз ккундучуз, идара апIру гъуллугъчйир гъядягъбан деврин ачухъ конкурсдиз 6 агъзуртIан артухъ аьрзйир тувнайи. Дурарикан финалиъ иштирак'вал апIуз 223 касдиз теклифар гъафну. Амма, идара апIбаан айи удукьувалар ахтармиш апIбан тестированиейин ва эссе бикIбан натижайиъ дурарин арайиан анжагъ заан аьгъювалар улупу 161 кастIан финалин этапдиз удучIвундар. Шубуд йигъандин арайиъ дурарин арайиан гъалибчйир гъядягъну.
Сергей Кириенкойи чан удучIвну улхбаъ конкурсдин иштиракчйир тебрик гъапIну ва РФ-йин Президент Владимир Путиндин табшуругъниинди уьлкейиъ гьяракатнаъ ипнайи вари Урусатдин «Урусатдин лидерар» конкурсдикан ктибтну. Дидин метлеб – Урусатдин гьарсар вакилиз чан удукьувалар улупуз мумкинвал тувувал ву. «Думу конкурс – гьюкуматдин гъуллугъариъ, экономикайин цирклиъ заан мумкинвалар улупуз шлу, идара апIуз удукьру жигьиларин конкурс ву. Дурарихьан чпин мумкинвалар, пишекарвалин аьгъювалар сар касдинра кюмек адарди ва айи пулин кьувватназ дилигди улупуз гъабхьну. Вари пишекарвал, кьастнан кьувватлувал, гъалибвалихьна вуйи гьевес, гафнан кьатI'ивалиин дийигъувал, лихуз ккунивал улупбиинди гъабхьну. Учу мукьан аьхю кьадар аьрзйириз ккилигурадайча – 200 агъзуртIан артухъ, дурарикан 1,5 агъзуртIан артухъ Дагъустандиан вуйи», – къайд гъапIнийи Сергей Кириенкойи. Дугъу гъапиганси, вари Урусатдин конкурсдин гъалибчйир заан гъуллугъариъ ляхниъ дерккбан йишварихъди тямин апIувал улупнадар. «Урусатдин лидерар» конкурсдин гъалибчйириз Урусатдин вузариъ образование гъадабгъуз ва пишекарвалин дережа за апIуз пулин грантар тувра. Амма РФ-йин Президентди конкурсдиъ лап заан удукьувалар улупу вакиларикан кьюр вахтназ вуди регионарин руководителарди – Амурский областдин ва Ямало-Ненецкий автономный округариъ, хъа шубур кас – федералин министрарин заместителарди дерккну.
С.Кириенкойи гьацира «Йиз Дагъустан» конкурсдин шубур финалист сентябрин 11-13-пи йигъари Владивостокдиъ кIули гъябгъру Ригъ гьудубчIвру терефнан экономикайин форумдиъ иштирак шлуваликан гъапнийи.
Александр Матовниковди чан нубатнаъ финалистар тебрик гъапIну ва финализ удучIвувал гьарсар касдиз аьхю хъуркьувал вуйиваликан гъапну.
Вахтназ вуди РФ-йин Главайин вазифйир тамам апIурайи Владимир Васильевди къайд гъапIганси, «Йиз Дагъустан» конкурсдиз уьлкейиъ аьхю фикир тувра. «Урусатдин Президент Владимир Путиндихъди июлиъ гъабхьи гюрюшдиъ узу республикайиъ гъабхурайи ляхникан, кадрйир цIийи алаурайиваликан, планламиш дапIнайи конкурсдикан ктибтнийза. Натижйир дугъахьна рукьиди. Конкурсдин гьарсар иштиракчийиз гъалибвалихьна вуйи гьевеснан кьувватлувал улупбаз, ватанпервервализ, ичв кьатI'и мумкинвалариз чухсагъул, пуз ккундузуз!», – гъапну В. Васильевди.
Августдин 30-пи йигъан идара апIбан гъуллугъчйирин конкурсдин натижйир гъивну.
Гъалибчйирихьна илтIи-кIури, Владимир Васильевди дурариз инсанарин мублагъ артмиш’валин уьмрин гележег ккабалгбаз чпин кьувват харж апIури лихуз теклиф дивнийи. «Гъи учву аьхю хъуркьуваларихъна гъафунчва, учу учв’ин дамагъ апIурача ва учвук миж киврача. Амма ихь улихь варитIан важиблу имтигьян хьа. Учву уьмриъ гьаммишан улихь гъягъбан конкурсдиъ гъалиб гъахьунчва. Гьамус гьар йигъан цIийи рякъяриин гъалибвал гъадабгъури ккунду. Ухькан уьмри гьаци ккун апIура. Учву – женгчйир, учву – гъалибчйир вучва, учвхьан вари удукьуру! Хусуси дамагъвалин гьиссари, кьастну, гьюкмин заан гъуллугънан гьярисвали учв’ин агъавал апIуз мигъитанай. Учвуз хъуркьувалар ккун апIураза, гьюрматлу дустар!», – гъапну республикайин кIулиъ айири.
«Йиз Дагъустан» конкурсдиъ 54 кас гъалиб гъахьну. Дурарикан 28% дишагьлийир ву. Гъалибчйирин арайиъ Москва, Санкт-Петербург шагьрариан, Московский областдиан, Ставрополь крайиан, Башкортостан республикайиан вуйи вакиларра айи. Асас вуди гъалиб гъахьидар 35 йис дубхьну адру жигьилар ву.

Комментарии:

f1 in1 ok1 t1 v1 y1

Top