ГлавнаяПолитикаА.Здунов: «Дагъустандин Правительство къанунди улупнайи вахтна арайиз хибди»

А.Здунов: «Дагъустандин Правительство къанунди улупнайи вахтна арайиз хибди»

1 1 1 1 1 1 1 1 1 1 Рейтинг 5.00 (1 Голос)

2325Дагъустандин Правительство къанундиъ улупнайи вахтна арайиз хибди», - гъапну республикайин премьер-министр Артем Здуновди, журналистарин суалариз жаваб туври.

Сентябрин 25-пи йигъан дагъустандин Глава В.Васильевди А.Здунов республикайин Правительствойин Председателди дерккбан гьякьнаан Указдиин къул гъизигну.

«Республикайин Главайиз Правительствойин гъурулушнакан мялуматар тувру вахт а, гьаддин кьяляхъ теклифар дивну ккунду, фицики министрар ва Правительствойин членар тяйин апIувал региондин кIулиъ айирин вазифа ву», - гъапну А.Здуновди.

Дугъу гьацира региондиъ инвентаризация дубхнайиваликан, гьамус инвестицйир гъюбан бадали шартIар арайиз хурайиваликан гъапнийи. «Гъи узу хъугъуваликан улхураза. Ухьу фицдар жилар, инфраструктура теклиф апIураш, хъугъвал гьаддикан асиллу ву. Гьаддиз ухьу асас фикир инфраструктурайин, хъа гизафси яшайишдин артмиш’вализ тувну ккунду. Ухьу ккудукIну адру тикилишар ккудукIбахъ, Урусатдин Федерацияйин гьюкуматдин программйириъ иштирак хьувалихъ духьну ккнуду. Гизафси мектебариз, бицIидарин больницйириз, штухъди тямин апIувализ ва шид марцц апIувализ фикир тувуб лазим ву», - къайд гъапIну А.Здуновди.

Журналистари Правительствойин цIийи дахилназ «Йиз Дагъустан» кадрйирин резервдин конкурсдин гъалибчйир гъадагъбанди вушра гьерхнийи.

А.Здуновдин гафариинди, му ляхин хъайи-хъайиси дапIну ккуниб ву. «Ухьу кьюб аьхю конкурсар гъухунхьа, 30 касдилан зиина жавабдар гъуллугъариъ дерккунхьа. Йиз фикриинди, багарихьди думу касарихъди гъуллугъ теклиф апIбан сюгьбатар гъахидихьа. Теклифар варидари кьабул апIурадар. Хъа теклиф кьабул дапIну, гьаму дахилнаъди ляхин апIуз хъюгъдариз ужуб гележег а», - гъапну республикайин министрарин кабинетдин кIулиъ айири. 

Комментарии:

f1 in1 ok1 t1 v1 y1

Top