ГлавнаяПолитикаА.Здунов РД-йин Правительствойин Председателди тяйин гъапIну

А.Здунов РД-йин Правительствойин Председателди тяйин гъапIну

1 1 1 1 1 1 1 1 1 1 Рейтинг 5.00 (1 Голос)

1
Сентябрин 25-пи йигъан Дагъустан Республикайин Халкьдин Собраниейин нубатнан 26-пи сессия кIули гъубшну.

Сессияйин ляхниъ Дагъустандин Глава Владимир Васильев, гьюкмин ляхин тамам апIру органарин кIулиъ айидар, жямяаьтлугъ тешкилатарин вакилар, СМИ-йин журналистар иштирак гъахьнийи.

Депутатар 30-тIан артухъ меселйириз гъилигнийи. Дурарикан асасуб Дагъустандин Правительствойин Председателин гъуллугъниина Артем Здунов тяйин апIуз разивал тувувал вуйи. Думу месэла гьял апIайиз, депутатарин улихьна удучIвну, Владимир Васильев гъулхнийи. Дугъу республикайиъ гъабхурайи ляхнин бязи натиж-йирикан, региондин мумкинваларикан ктибтнийи.

РД-йин Главайин кьяляхъ Артем Здуновди Дагъустандиъ айи яшайишдинна экономикайин аьгьвалатнакан, бязи месэлйир гьял апIбан рякъярикан, республикайин экономика ва яшайишдин циркил артмиш апIбан гележегдин планарикан ктибтнийи, депутатарин суалариз жавабар тувнийи.

Къайд апIувал лазим вуки, улихьна йигъан премьер-министрин гъуллугъниина кандидатди улупнайи Артем Здунов шубуб фракцияйин вакиларихъди гюрюшмиш гъахьнийи, ва шубуб сяаьтнан ара-йиъ дугъу депутатарин суалариз жавабар тувнийи.

Электрондиинди сесер тувбан натижайиъ региондин Правительствойин кIулиъ Артем Здунов тяйин апIбахъанди саки вари депутатари чпин сесер тувну.

Гьадму йигъан, сентябрин 25-диъ, Дагъустандин Глава В.Васильевди А.Здунов республикайин Правительствойин Председателди дерккбан гьякьнаан Указдиин къул гъизигну.

«Дагъустандин Правительство къанундиъ улупнайи вахтна арайиз хибди», – гъапну республикайин цIийиди кадагънайи премьер-министр Артем Здуновди, журналистарин суалариз жаваб туври.

Дугъу гьацира «Йиз Дагъустан» кадрйирин резервдин конкурсдин гъалибчйирихъди чав багарихьди гъуллугъ теклиф апIбан сюгьбатар гъахруваликан хабар тувнийи.

Комментарии:

f1 in1 ok1 t1 v1 y1

Top