ГлавнаяПолитикаМягьячгъалайиъ НАК-дин заседание гъабхьну

Мягьячгъалайиъ НАК-дин заседание гъабхьну

1 1 1 1 1 1 1 1 1 1 Рейтинг 5.00 (1 Голос)

1

Октябрин 9-пи йигъан Дагъустан Республикайин Глава Владимир Васильев Мягьячгъалайиъ НАК-дин председатель, Урусатдин ФСБ-йин директор Александр Бортниковдин регьберваликкди кIули гъубшу террориствализ аькси Милли комитетдин заседаниейиъ иштирак гъахьну.

Заседаниейиъ Урусатдин Федерацияйин милли гвардияйин кьушмарин Федералин гъуллугънан директор – РФ-дин милли гвардияйин кьушмарин кIулин команда тувру Виктор Золотов, РФ-йин Силисчивалин комитетдин председатель Александр Бастрыкин, федералин гъаравулвал гъабхбан гъуллугънан директор Дмитрий Кочнев, РФ-дин айтIан ляхнарин министр Владимир Колокольцев, РФ-дин сагъламвал уьбхбан министр Вероника Скворцова, СКФО-йин субъектарин главйир иштирак гъахьнийи.

Серенжемдин иштиракчйирихьинди илтIикIну Александр Бортниковди къайд гъапIганси, гьаму йисан СКФО-йин аьтрафариин къанун уьбхру ва гьюкмин органари сатIиди гъуху кьувватнан ва профилактикайин серенжемари террориствалин жюре тахсиркарвалар кьюб ражаритIан артухъ цIиб апIуз мумкинвал тувну: «Ихь сатIи вуйи ляхниз лигну, мушваъ аьгьвалат ужуб терефнахъинди илтIибкIну: бандитарин жини дестйириз айтIан ва чIатан гъюру инсанарин ва пулин кьадар цIиб гъабхьну, къанун уьбхру органари думу рякъяр хъяркьра, террористариз бандитарин гьяракатар цIийи алауз ккунди ашра, шули имдар. Гьаму йисан гъубху ляхнин натижа – тамам апIуз гъидриту 6 теракт ву, 63 бандит ва дурариз кюмек апIрайи 142 кас гъидисну, 50 боевик терг гъапIну, гьадрарин арайиъ Чечендиъ ва Дагъустандиъ гьяракатнаъ айи террористарин дестйирин башчйирра а».

Гьаддихъди сабси, НАК-дин председатели гъапиганси, вари халкьарин тешкилатарин гьяракат Кафари Кавказдин аьтрафариина кьяляхъ гъюбан хатIа гъубзра. Багахь Востокдин уьлкйириъ яракьлу женгариъ иштирак духьну, гьамус кьяляхъ гъюрайидарихьан ихтиятди гъузну ккунду.

Жигьиларин арайиъ терроризмдин идеология тарабгъувал гьяракатнаъ убчIвра. Террористари набалугъар чпин тахсиркарвалин ляхнарихъ хъауз чарйир агура.

Чан удучIвну улхбаъ А.Бортниковди Грозныйдиъ, Къизлариъ бандитар хачперезарин килисйириин алжагъувалариканра, террористари региондиъ жюрбежюр динар хъаърударин арайиъ айи аьлакьйир гъизгъин апIурайиваликанра кIваин гъапIнийи.

Террориствалин хатIалувал вахтниинди аьгъю апIбан ва терроризмдиз аьксивал улупбан серенжемарин мянфяаьтлувал за апIбан бадали, региондиъ айи аьгьвалатназ тясир апIру ляхнарин зиин гюзчивал гъабхувал чарасуз лазим ву. НАК-дин председатели АТК-йин кIулиъ айидарикан думу тереф хусуси гюзчиваликкна гъадабгъувал, муниципалитетарин террориствализ аькси комиссйириз лазим вуйи кюмек тувувал ккун гъапIнийи.

Заседаниейиъ терроризмдиз аьксивал улупбан ляхин тешкил апIбан жара месэлйирра гьял гъапIнийи.

Комментарии:

f1 in1 ok1 t1 v1 y1

Top