ГлавнаяРазное«ЦIиб исина кудучIв»

«ЦIиб исина кудучIв»

1 1 1 1 1 1 1 1 1 1 Рейтинг 5.00 (1 Голос)
/Тарихи ихтилатар/

Заан Табасарандиан вуйи бажаранлу севдигар Эйвазди гъюрхю чагъу якъарин ад вари райондиз тарабгънайи. Гьар гьяфтайиъ вари гъулариан вуйи нежбрари Хючнаъ базариз масу тувуз малар-марччар, гьяйвнар, гамшар, хулан ничхрар хъаъну гъюри, чпи гьясил гъапIу сурсатар, йимишар хури гъахьну. Гъяйтагъ район - дианра мина мал-чарва, картфар, нис масу тувуз севдиграр гъюри шуйи.

Сад йигъан Эйвазра, 10-15 чарвара улихь гьирчну, базариз гъягъюру. Мугъахьна чарвйир масу гъадагъуз сар муштари гъюру. Дугъу, 3 баб марчч ва саб якъ жара дапIну, дурарин кьимат гьерхру. Марцци зегьмет дизигну гъюрхю чарвйирин кьимат Эйваздиз ужуди аьгъяйи, амма муштарийи дугъаз кьиматнан исина кудучIв гъапнийи. Эйсийи гьарсаб чарвайин кIуллан 3 манат алдабгънийи. Муштари чIалра дарпиди гьудучIвну гъягъюру ва, сабансан ражари базарилан илтIикIну, Эйваздихьна гъюру ва кьюбпи ражарира чарвйирин кьиматнан исина кудучIв кIуру. Эйвазди хъана гьарсаб марччлин кIуллан са-саб манатсан алдабгънийи. Муштари му ражарира чIалра дарпиди гьудучIвуру ва, базарилан илтIикIну, сабсана ражари Эйваздихьна гъюру ва исина кудучIв кIуру. Эйвазди саб ккуру тIул гъадабгъну, «дют, дют» апIури, чарвйир ямажнакан исизди хъаъру. «Яв хал авадан апIрияв, магьа хъана исина ктучIвунза, гьамускьан увхьан масу гъадагъуз шулуш гъадагъ, даршиш узу гизаф бизар дарапIди, яв хулаз гъарах», – кIуру алверчийи муштарийиз.

Комментарии:

f1 in1 ok1 t1 v1 y1

Top