ГлавнаяСельское хозяйствоЧвлин мягьсулар урзура

Чвлин мягьсулар урзура

1 1 1 1 1 1 1 1 1 1 Рейтинг 4.50 (1 Голос)

12345Мялум вуйиганси, чвлин мягьсулар урзру вахт гъулан мяишатдин зегьметкешарин гизаф мяналу ва жавабдар вахт ву. Му циркил гъулан мяишатдин асас циркларикан саб вуйивализ лигну, мягьсулар урзбиин машгъул духьнайи касари чпин ляхин шлубкьан ужуди кIули гъабхуз чарйир зигури шулу. Гъубзу тумран ужудар натижйир хьпан бадали, убзурайи тумра ужуб ерийинуб дубхьну ккунду. 

Гьамусяаьт Дагъустандиъ чвлин мягьсулар урзбиин республикайин саки вари муниципалитетар машгъул духьна. Фицики аьхиримжи йисари республикайиъ «Мянфяаьтлу АПК» проект уьмриз кечирмиш апIували артмиш шулайи экономикайик аьхю пай кивра.
Цци Дагъустан Республикайин мулкариин али 90 агъзур гектар хутIлариъ чвлин мягьсулар урзуз планламиш дапIна. Му кьадар сачтIан 3 агъзур гектар хултIарин артухъди ву.
РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан туврайи мялуматариинди, гъийин йигъаз республикайиъ 15 агъзур гектар хутIлариъ чвлин мягьсулар дурзна. Гьадму гьисабнак Табасаран районра кабхъра. Душваъ ццийин йисан чвлин вахтна урзуз планламиш дапIнайи 650 гектарикан гьамусдиз 170 гектар хутIлариъ мягьсулар дурзна.
Къайд дапIну ккундуки, гьамусдизкьан вуйи улупбариинди, чвлин мягьсулар урзбаан кIакIначиди гъягъюрайи мяишатар Къизлар (3 агъзур гектар) ва Хасавюрт (12,5 агъзур гектар) районариан ву. Дупну ккундуки, республикайиъ чвлин мягьсулар урзбан ляхин гьелелиг егин еришариинди давам шули ими.

Комментарии:

f1 in1 ok1 t1 v1 y1

Top