ГлавнаяСельское хозяйствоГъулан мяишатдин жикъи хабрар

Гъулан мяишатдин жикъи хабрар

1 1 1 1 1 1 1 1 1 1

рисДюгю уч апIура

Гьамусяаьт Дагъустан Республикайиъ гъулан мяишатдин нежбрар егин еришариинди дюгю уч апIбиин машгъул духьна. Октябрь вазлин 24-пи йигъаз вуйи улупбариинди, саки 14 агъзур гектар хутIлариан дюгдин бегьер уч дапIна.
РД-йин гъулан мяишатдин ва ипIру-убхъру сурсатарин Министерствойин пресс-гъуллугънан пишекар Камиль Жабраиловди учуз мялум гъапIганси, кьялан гьисабариинди саб гектариан 44 центнер ккадабцIури, гьамусяаьт республикайиъ уч дапIнайи дюгдин уьмуми кьадар саки 54,0 агъзур тонна шула. Му кьадар сачдин гьаму вахтназ уч дапIнайи дюгдин уьмуми кадарнахъди тевиган, 15 агъзур тоннайин артухъди ву.


Къайд дапIну ккундуки, уч дапIнайи вари дюгдин аьхюнубсиб пай Къизлар райондин мяишатариъ уч гъапIуб ву (27 агъзур тонна).
Гьелелиг дюгю уч апIбан ляхнар гьяракатниинди гъягъюри ими. Айи мялуматариинди гьаму йисан республикайин гъулан мяишатдин нежбрари 19 агъзурна 460 гектар хутIлариан дюгю уч апIиди. Му кьадар сачтIан 1 агъзурна 200 гектар хутIларин артухъди ву.

Гьяжибугъда дубгну ккудубкIну

Гьаму йигъари Дагъустандиъ гьяжибугъда дубгну ккудубкIну. Саб гектариан 50 центнер бегьер ккадабцIури, цци республикайиъ 17 агъзурна 738 гектар хутIлариан уч гъапIу гъяжибугъдайин уьмуми кьадар 88 агъзурна 158 тонна гъабхьну.
ВаритIан гизаф гьяжибугъда уч гъапIдар Хасавюрт райондин (18 агъзур тоннатIан артухъ) ва Дербент райондин (15 агъзур тонна) мяишатар ву.
Къайд дапIну ккундуки, гъубшу йисан республикайиъ уч гъапIу гьяжибугъдайин уьмуми кьадар 80 агъзурна 994 тонна вуйи.

Комментарии:

f1 in1 ok1 t1 v1 y1

Top