ГлавнаяСельское хозяйствоНабататчивалин цирклин артмиш`вал

Набататчивалин цирклин артмиш`вал

1 1 1 1 1 1 1 1 1 1 Рейтинг 5.00 (2 Голосов)

08pyДагъустандиъ ццийин йисан мейвйир уч апIувал аьхирихъна гъафну. РД-йин гъулан мяишатдин ва ипIру-убхъру сурсатарин Министерствойин пресс-гъуллугънаан тувнайи мялуматариинди, цци республикайин мулкариин али 42 агъзурна 177 гектар жиларилан мейвйир уч дапIна.

Улупнайи кьадар жиларилан, саб гектариан 417 центнер уч апIури, уч гъапIу мейвйирин уьмуми кьадар 1 миллионна 758 агъзурна 985 тонна ву.

РД-йин гъулан мяишатдин ва ипIру-убхъру сурсатарин Министерствойин набататчивалин управлениейин начальник Аьгьмед Расуловдин  гафариинди, республикайиъ гъулан мяишатди улупурайи натижйири йислан-йисаз рази апIура.

Натижйир ужадар хьбаъ аьхю роль уйнамиш апIурайиб республика артмиш апIуз уьмриз кечермиш апIурайи «Мянфяаьтлу АПК» прект ву. Проектдин дахилнаъди республикайин хайлин миниципалин образованйириъ инвестицйирра, хусуси дакьатарра жалб апIури гъулан мяишатдин цирклар артмиш апIура. Гьадму гьисабнаъ набататчивалра а.

«Ццийин йисан уч гъапIу мейвйирин кьадар, гъубшу йисан уч гъапIу мейвйирин натижйирихъди тевиган, ццийин рякъюрайи натижйириинди цирклин бегьерлувал 7% за гъабхьну. Гъубшу йисан республикайиъ уч гъапIу мейвйирин кьадар 1 миллионна 410 агъзур тонна вуйи. Яни сачтIан цци уч гъапIу мейвйирин кьадар 350 агъзур тоннайин артухъди ву», - гъапнийи Аьгьмед Расуловди.

Управлениейин начальникди мялум гъапIганси, цци мейвйир уч апIбаан ужудар натижйир улупдар Леваши (462 агъзур тоннатIан артухъ) ва Дербент (372 агъзур тоннатIан артухъ) районар ву.

Мидланна гъайри, къайд дапIну ккундуки, аьхиримжи йисари ухьухь гьясил апIурайи мейвйирихъди вари республикара тямин дапIну, 500-600 агъзур тонна мейвйир жара регионаризра гъахура.

Хъа йимишарин гьякьнаан улхуруш, ццийин гьаму вахтназ вуйи улупбариинди, республикайиъ уч дапIнайи йимишарин кьадар гьелелиг 208 агъзур тоннатIан дар.

Гъийин йигъазкьан республикайиъ 24 агъзурна 394 гектарин багълариан йимишар уч дапIна. Саб гектариан 85,5 центнер уч апIури, гьамусдизкьан уч дапIнайи йимишарин уьмуми кьдар 208 агъзурна 479 тонна ву.

Агьмед Расуловди къайд гъапIганси, йимишарин бегьер ужуб хьувалиъра уьмриз кечермиш апIурайи «Мянфяаьтлу АПК» проектди асас йишв бисура. Фицики проектдин дахилнаъди аьхиримжи йисари йимишарин хайлин багълар кивна.

«Гьаму гъябгъюрайи йисан эвелериан мина республикайиъ 1 агъзур гектариъ йимишарин багълар кивна. Гьадму кьадарнакан 573 гектариъ кивнайи багъар – гизаф бегьер хру багъар ву. Гьамусяаьтна гизаф бегьер хру багъбанчивал артмиш апIбаъ республикайин 26 муниципалин образованйир иштирак шула: Мягьярамкент, Гъяйтагъ, Табасаран, Дербент, Буйнагъск ва жара районар. Яни пуз шулу, гъубшу йисантIан цци киву гизаф бегьер хру багъарин кьадар саки кьюб ражарикьан артухъ гъабхну», - гъапнийи Аьхьмед Расуловди.

Къайд дапIну ккундуки, сачтIан цци уч гъапIу йимишарин бегьерра 17,5% за гъабхьну.

СачтIан ццийин йимишар кьадар гизаф артухъ гъабхьи районар Дербент ва УнцIукIул ву. Думу районариъ саб гектариан 240 центнер йимишар уч гъапIну. Хъа варитIан аьхю йимишарин кьадар (валовый сбор) уч гъапIу район Мягярамкент район ву.

Гьелелиг республикайин мяишатариъ мяишатариъ йимишар уч апIувал давам шули ими. Аьхиримжи натижйирра ужудар шул кIури, умуд киврача.

Комментарии:

f1 in1 ok1 t1 v1 y1

Top